تۇركىستانداعى تەاتر ساحناسىنان تەحنيكالىق اقاۋ شىقتى

تەاتردا ماۋسىمعا جوسپارلاعان تريپتيح: «گاملەت»، «قاراگوز»، «فاۋست» پرەمەراسى قازان ايىنا شەگەرىلدى دەپ حابارلادى turkystan.kz قازاقپاراتقا سىلتەمە جاساپ.

الەۋمەتتىك جەلىدە تۇركىستان مۋزىكالىق دراما تەاترىنا قاتىستى تاراپ جاتقان اقپاراتتارعا قاتىستى تەاتر باسشىلىعى جاۋاپ بەردى. اقپاراتتا «2 توننالىق اكۆاريۋمدى كوتەرە الماي سىنىپ كەتتى» دەگەن جازبالاردىڭ جالعان ەكەندىگى ايتىلعان.

«تەاتر ساحناسىمەن جالعاسىپ جاتقان قوزعالىستاعى وركەستر شۇڭقىرىنىڭ جىلجىمالى مەحانيزمىنىڭ بۇزىلۋىنا بايلانىستى جانە ارنايى مامانداردان قۇرىلعان كوميسسيانىڭ شەشىمىمەن ساحنانىڭ الدىڭعى بەتىن پايدالانۋعا (اقاۋ تەتىكتى الدىرىپ اۋىستىرعانشا) تيىم سالىندى. سەبەبى، رەجيسسەر شەشىمىنە سايكەس كوپ پايدالانىلاتىن دەكوراتسيالار ورنالاسقان جەر وركەستر شۇڭقىرىنىڭ ماڭايى سانالادى»، دەلىنگەن حابارلامادا.

ياعني، وركەستر شۇڭقىرىنا ورناتىلعان ءتورت كوتەرۋ مەحانيزمىنىڭ بىرەۋىنىڭ ىستەن شىعۋى سەبەپ بولىپ وتىر. بۇل اقاۋعا وسى تەاتر قۇرىلىسىن جۇرگىزگەن كومپانيا كىنالى ەمەس دەيدى ماماندار. بۇل قۇرىلعىنىڭ كەپىلدىك مەرزىمى وتپەگەندىكتەن، وركەستر شۇڭقىرى مەحانيزمىن ورنالاستىرعان كومپانيا اقاۋ تەتىگىنە شەتەلگە تاپسىرىس بەرىپ قويعان. جاڭا تەاتر ماۋسىمىنا دەيىن جاڭارتىلىپ، ساحنا تولىق پايدالانۋعا بەرىلۋى كەرەك.

«تريپتيح: «گاملەت»، «قاراگوز»، «فاۋست» پرەمەراسىندا پايدالاناتىن دەكوراتسيالاردىڭ سالماعى سايكەس كەلمەۋىنە بايلانىستى رەپەتيتسيانى توقتاتىپ، پرەمەرانى كۇزگە شەگەرۋگە تۋرا كەلدى. تەاتر ساحناسى (وركەستر شۇڭقىرىنان بولەك) سپەكتاكلدەر قويۋعا جارامدى ەكەنىن حابارلايمىز»، -دەيدى تەاتردىڭ ءباسپاسوز قىزمەتىندەگىلەر.

ۇقساس جاڭالىقتار

Back to top button