ورالدا 2 جاسار بالا سەگىزىنشى قاباتتان قۇلاپ كەتە جازدادى

ورالدا سەگىزىنشى قاباتتاعى اشىق تەرەزەدەن قاراپ تۇرعان 2،5 جاستاعى بالا قۇتقارىلدى دەپ حابارلادى turkystan.kz بقو توتەنشە جاعداي دەپارتامەنتىنىڭ ءباسپاسوز قىزمەتىنە سىلتەمە جاساپ.

وقيعا بۇگىن قۇرمانعازى كوشەسى 33 مەكەنجايىندا ورنالاسقان توعىز قاباتتى ۇيدە بولعان. تجد ماماندارىنا شاقىرتۋ ساعات 10:52-دە تۇسكەن.

«2019 جىلعى بالا ۇيدە جالعىز قالعان. كورشى ايەل ەسىكتى اشايىن دەسە، بالا جىلاپ، اشىق تۇرعان تەرەزەگە جۇگىرگەن، سوسىن قۇتقارۋشىلاردى شاقىرعان. بالا تەرەزە مەن بالكوننان قاراپ تۇرعان. ونى شوشىتىپ الماۋ ءۇشىن قۇتقارۋشىلار توبەدەن بالكون ارقىلى ءتۇسىپ، بالانى قۇتقارىپ قالدى. سودان كەيىن كەلگەن اناسىنىڭ قولىنا تاپسىرعان. بقو تج دەپارتامەنتى اتا-انالارعا كىشكەنتاي بالالاردى قاراۋسىز قالدىرماۋ كەرەگىن ەسكە سالادى» دەپ حابارلادى ۆەدومستۆودان.

ۇقساس جاڭالىقتار

Back to top button