بقو-دا نان باعاسى قىمباتتادى

باتىس قازاقستان وبلىسىندا نان باعاسى وتكەن ايدا قىمباتتاعان. وسى ايدا قۇنى تاعى كوتەرىلىپ، 200 تەڭگەگە جەتتى دەپ حابارلادى turkystan.kz «موي گورود» باسىلىمىنا سىلتەمە جاساپ.

«كوتوۆ» جك ناۋبايحاناسىنىڭ قىزمەتكەرلەرى جوعارى سۇرىپتى ۇننان جاسالعان نان باعاسى بۇگىننەن باستاپ كوتەرىلگەنىن ايتتى. باعانىڭ قىمباتتاۋى ۇن، سارى ماي مەن قانتتىڭ قىمباتتاۋىنا بايلانىستى بولىپ وتىر.

قالاداعى ناۋبايحانالاردىڭ ءبىرىنىڭ باسقارۋشىسى بارلىق كونديتەر ءونىمىنىڭ باعاسى تاعى 20 تەڭگەگە قىمباتتاعانىن اتاپ ءوتتى. سول سەبەپتى دۇكەندەردە جوعارى سۇرىپتى ءبىر بولكە نان باعاسى 200 تەڭگەگە كوتەرىلگەن.

«جوعارى سۇرىپتى ۇننىڭ ءبىر كەلىسى 170 تەڭگەدەن بولسا، قازىر 190 تەڭگە تۇرادى. نانعا قوسىلاتىن بارلىق قوسپا دا قىمباتتادى. باعا وسىمەن شەكتەلمەۋى مۇمكىن، ويتكەنى وزىمىزدە ەشتەڭە وندىرىلمەيدى. قانت شىعارمايمىز، ۇن كورشى رەسەيدەن دە قىمبات، ال رۋبل ءوسىپ جاتىر. ەگەر ءوز ۇنىمىزدان نان پىسىرسەك، ءبىر بولكە 250 تەڭگە تۇرار ەدى»، – دەدى ساتۋ مەنەدجەرى.

ۇقساس جاڭالىقتار

Back to top button