قوستانايدا 4 مىڭنان استام وتباسى ءۇيلى بولماق

بيىل قوستاناي وبلىسىندا 450 مىڭ شارشى مەتر تۇرعىن ءۇي سالىنادى. بۇل تۋرالى وبلىس اكىمى ارحيمەد مۇحامبەتوۆ ايتتى دەپ حابارلادى turkystan.kz.  

«نۇرلى جەر» تۇرعىن ءۇي-كوممۋنالدىق دامىتۋ مەملەكەتتىك باعدارلاماسى اياسىندا 450،5 مىڭ شارشى مەتر تۇرعىن ءۇي سالۋ، 4 مىڭنان استام پاتەر تاپسىرۋ جوسپارلانعان. جىل باسىنان بەرى 3،4 پايىزدىق وسىممەن 169،1 مىڭ شارشى مەتر تۇرعىن ءۇي پايدالانۋعا بەرىلدى. تۇرعىن ءۇي قۇرىلىسىنا سالىنعان ينۆەستيتسيا 16،7 پايىزعا ءوستى»، –  دەدى ءوڭىر اكىمى ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.

ونىڭ ايتۋىنشا، بۇگىندە وڭىردەگى اۋىل حالقىنىڭ 74،9 پايىزى نەمەسە اۋىلداردىڭ 59 پايىزى سۋمەن جابدىقتاۋ قىزمەتتەرىنە قول جەتكىزىپ وتىر.

«نۇرلى جەر» جانە «اۋىل – ەل بەسىگى» باعدارلامالارى شەڭبەرىندە سۋمەن جابدىقتاۋ جانە سۋ بۇرۋ بويىنشا 48 جوبانى ىسكە اسىرۋعا 20 ملرد تەڭگە ءبولىندى. بۇل 2021 جىلمەن سالىستىرعاندا 33،3 پايىزعا ارتىق. العاش رەت ورتالىق سۋمەن جابدىقتاۋ جۇيەسىنە 14 اۋىل قوسىلادى. 5 اۋىلدىڭ سۋمەن جابدىقتاۋ جۇيەسى قايتا جاڭعىرتىلادى. كەلەشەككە بولجامدى سمەتالىق قۇنى 25 ملرد تەڭگەدەن اساتىن 37 جوبا ازىرلەنىپ جاتىر»، –  دەدى ارحيمەد مۇحامبەتوۆ.

 

 

ۇقساس جاڭالىقتار

Back to top button