«قازاقستان ءۇشىن «ياندەكس. تاكسي» سياقتى جوبا جاساۋ ءتيىمسىز» – مۋسين

بۇل تۋرالى ءماجىلىستىڭ جالپى وتىرىسىنىڭ كۋلۋارىندا تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى دەپ حابارلادى turkystan.kz.

«قازاقستان ءۇشىن «ياندەكس. تاكسي» سياقتى جوبا جاساۋ ءتيىمدى بولمايدى. جەر شارىندا تانىمال جوبا بولۋى كەرەك. DIDI دەگەن تاكسي جوباسى بىزگە كىرەيىن دەدى. الايدا ولار كىرە المادى. قىتايدىڭ قانشا قاراجاتى بولسا دا، ءبىزدىڭ نارىققا كىرىپ، «ياندەكسكە» توتەپ بەرە المادى. ول ميلرد-تاعان قاراجاتتى تالاپ ەتەدى. ونى مەملەكەت بولە المايدى عوي. ول قارجىنى ۆەنچۋرلىق ينۆەستورلاردان تارتۋ كەرەك. ۆەنچۋرلىق ينۆەستورلار دۇنيەجۇزى بويىنشا ونداي قىزىقتى جوبالاردى وزدەرى ىزدەستىرەدى. جاساندى ينتەللەكت، كارتالار  بويىنشا جاسالىپ جاتقان جاڭا جوبالارعا قارجى قۇيعىسى كەلەدى»، – دەدى باعدات مۋسين.

مينيستر اتاعانداي، تەك قازاقستان ءۇشىن ءبىر جوبا جاساۋ – تسيفرلاندىرۋ تۇرعىسىنان ءتيىمسىز.

«مۋسين شەتەلدەگى قازاقستاندىق IT ماماندارىنىڭ باسىن قوسىپ جاتقانىن ايتتى. قازىر چاتتا 300-گە جۋىق ادام جينالدى. ءبىز ولاردى قازاقستانعا كەرەكتى ونىمدەردىڭ تيىمدىلىگىن، بيزنەس جوبالار بار ەكەنىن ءتۇسىندىرۋ ءۇشىن تارتىپ جاتىرمىز»، – دەدى ول.

ۇقساس جاڭالىقتار

Back to top button