شىلدە ايىندا تاعى دا ۇن قىمباتتاۋى مۇمكىن

ۇننىڭ تونناسى 250 مىڭ تەڭگەگە دەيىن ءوسۋى ىقتيمال. بۇل تۋرالى استىق وڭدەۋشىلەر وداعىنىڭ پرەزيدەنتى ءاليحان تالعاتبەك مالىمدەدى دەپ حابارلادى turkystan.kz.

بيىل اقپان-ماۋسىم ايىنىڭ ارالىعىندا ۇننىڭ تونناسى 160 مىڭ تەڭگەدەن 220 مىڭعا دەيىن كوتەرىلگەن.

«شىلدەدە ءبىز ۇننىڭ باعاسىن تاعى وسىرۋگە ءماجبۇرمىز. ويتكەنى استىقتىڭ تونناسى 170 مىڭ تەڭگەگە دەيىن جەتتى. سوندىقتان ۇننىڭ تونناسىن 220 مىڭنان 250 مىڭ تەڭگەگە دەيىن كوتەرەمىز. باعا شامامەن 23%-كە وسەدى. بۇل بارلىق ۇن ونىمدەرىنىڭ قىمباتتاۋىنا اكەلەدى»، – دەدى ول.

وداق اقپاراتىنىڭ مالىمەتىنشە، قازىر نارىقتى رەسەيلىك كاسىپورىندار جاۋلاپ الدى. سەبەبى باعا جاعىنان ءبىز باسەكەلەسە المايمىز.

 «رەسەي ۇن ەكسپورتىنا شەكتەۋ ەنگىزگەندىكتەن، سوڭعى بىرنەشە ايدا قازاقستاندىق ديىرمەندەردىڭ 80%-ءنىڭ جۇمىسى توقتاتادى. ەلدە 174 ديىرمەن جۇمىس ىستەدى. سالدارىنان ءبىز تاجىكستان مەن وزبەكستان نارىعىن جوعالتتىق. بۇل مەملەكەتتەرگە جىبەرىلەتىن ۇن ەكسپورتىنىڭ كولەمى قىسقاردى»، – دەدى وداق پرەزيدەنتى ءاليحان تالعاتبەك.

ۇقساس جاڭالىقتار

Back to top button