ءۇندىستاندا سۋ تاسقىنىنان ميلليونداعان ءۇي قيرادى (ۆيدەو)

ءۇندىستاننىڭ اسساما شتاتىندا سۋ تاسقىنى سالدارىنان شامامەن 45 ادام قازا تاۋىپ، 4،7 ميلليوننان استام ادام ۇيلەرىن تاستاپ كەتۋگە ءماجبۇر بولدى دەپ حابارلادى turkystan.kz BBC News-كە سىلتەمە جاساپ.

بۇرىن-سوڭدى بولماعان نوسەر سالدارىنان شتاتتىڭ 35 وكرۋگىنىڭ 32-سىندە اۋىلداردى، ەگىستىكتەردى سۋ باسىپ، ۇيلەر قيرادى.

اسسامدا ۇكىمەت ەۆاكۋاتسيالانعان ادامدار ءۇشىن 1425 كومەك لاگەرىن اشتى.

اسساما شتاتى بيىل مۇنداي جاعدايعا ەكىنشى رەت تاپ بولىپ وتىر. مامىر ايىنداعى وقيعا كەزىندە كەم دەگەندە 39 ادام قايتىس بولدى.

سينوپتيكتەردىڭ مالىمەتىنشە، ماۋسىم ايىندا شتاتتا جاۋىن-شاشىن ورتاشا دەڭگەيدەن 109%-عا جوعارى بولعان. ۇندىستانداعى ەڭ ۇلكەن وزەندەردىڭ ءبىرى – براحماپۋتراداعى سۋ دەڭگەيى كوپتەگەن جەرلەردە قاۋىپتى دەڭگەيدەن جوعارى بولىپ تۇر.

تولاسسىز جاۋعان جاڭبىردان كورشىلەس مەگحالايا شتاتىندا دا سوڭعى اپتادا 18 ادام قازا تاپتى.

ۇقساس جاڭالىقتار

Back to top button