قاراعاندىدا وقۋ ورنىنىڭ باس ەسەپشىسى 90 ميلليون تەڭگە جىمقىرعان

قاراعاندى قالاسىنداعى وقۋ ورىندارىنىڭ ءبىرىنىڭ باس ەسەپشىسى 90 ميلليونعا جۋىق تەڭگەنى ۇرلاعان دەپ حابارلادى turkystan.kz قر قارجىلىق مونيتورينگ اگەنتتىگىنىڭ Telegram كانالىنا سىلتەمە جاساپ.

قما قاراعاندى وبلىسى بويىنشا اۋماقتىق دەپارتامەنتىنىڭ قىزمەتكەرلەرى تەرگەۋ بارىسىندا باس ەسەپشى 2021 جىلدىڭ قاڭتارىنان 2022 جىلدىڭ مامىر ايىنا دەيىن جالاقى، دەنساۋلىعىن جاقسارتۋ جانە ۋاقىتشا ەڭبەككە جارامسىزدىق بويىنشا جاردەماقى تۇرىندەگى نەگىزسىز سومالاردى ءوز شوتىنا، ەسەپشى، ديرەكتوردىڭ ورىنباسارى، ەكى وندىرىستىك ءۇي-جايلاردى تازالاۋشى جانە مەكەمەنىڭ بەيىندىك باعىتىنىڭ ءبىرىنىڭ وقىتۋشىسىنا جالاقىسىن اۋدارىپ وتىرعانى انىقتالدى.

قىلمىستىق ارەكەتتەن كەلگەن جالپى شىعىن 88 ميلليون تەڭگەنى قۇرايدى. ونىڭ 13 ميلليون تەڭگەسى وتەلىپ الىندى.

اتالعان فاكتى بويىنشا سوتقا دەيىنگى تەرگەۋ باستالدى. جەدەل-ىزدەستىرۋ شارالارى جۇرگىزىلىپ جاتىر.

ۇقساس جاڭالىقتار

Back to top button