ەكونوميكانى ارتتىرۋ ءۇشىن كاسىپكەر قۇقىعى قورعالۋ كەرەك – اسحات ورازحان

الماتى قالاسىندا سىبايلاس جەمقورلىققا قارسى قىزمەت باستاماسىمەن سىرتقى ەكونوميكالىق قىزمەتكە قاتىسۋشىلاردىڭ ماسەلەلەرىنە قاتىستى دوڭگەلەك ۇستەل ءوتتى دەپ حابارلادى turkystan.kz.

تالقىلاۋعا مەملەكەتتىك ورگانداردىڭ، «اتامەكەن» ۇكپ باسشىلارى، قوعام قايراتكەرلەرى مەن كاسىپكەرلىك قوعامداستىق قاتىستى. ءىس-شارا باسىندا الماتى جانە جامبىل وبلىستارىنداعى كەدەن بەكەتتەرىنىڭ باسشىلارى كاسىپكەرلەر ءۇشىن كەدەندىك راسىمدەر ماسەلەلەرى بويىنشا كەڭەس وتكىزدى.

ەكونوميكانى ارتتىرۋ ءۇشىن كاسىپكەر قۇقىعى قورعالۋ كەرەك – اسحات ورازحان

الماتى قالاسى سىبايلاس جەمقورلىققا قارسى قىزمەتىنىڭ باسشىسى اسحات ورازحاننىڭ ايتۋىنشا، ىشكى ەكونوميكانى ارتتىرۋدا كوڭىل ءبولۋ ءتيىس سالالار جەتەرلىك.

«كاسىپكەرلەردى قورعاۋ – سىبايلاس جەمقورلىققا قارسى قىزمەت ورگاندارىنىڭ باسىم باعىتتارىنىڭ ءبىرى. زاڭنامالىق جانە ۇيىمداستىرۋشىلىق سيپاتتاعى قابىلدانىپ جاتقان شارالارعا قاراماستان، شەشۋدى تالاپ ەتەتىن كوپتەگەن ماسەلەلەر بار»، – دەپ اتاپ ءوتتى ول.

سونداي-اق، قارجى مينيسترلىگى مەملەكەتتىك كىرىستەر كوميتەتىنىڭ وكىلى سەرىك جانايداروۆ سىرتقى ەكونوميكالىق قىزمەتكە قاتىسۋشىلار كوتەرگەن تاقىرىپتار بويىنشا بارلىق شارالار قابىلداناتىنىن ايتتى.

ەكونوميكانى ارتتىرۋ ءۇشىن كاسىپكەر قۇقىعى قورعالۋ كەرەك – اسحات ورازحان

دوڭگەلەك ۇستەل سوڭىندا قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل رۋستام ءجۇرسىنوۆ تالقىلاۋدا ايتىلعان ماسەلەلەردىڭ 90 پايىزى وڭىرلىك دەڭگەيدە شەشىلۋى مۇمكىن ەكەنىن جەتكىزدى. ال تۇيتكىلدى سۇراقتاردىڭ باسىم بولىگىن رەتتەۋدى «اتامەكەن» ۇكپ ءوز باقىلاۋىنا الاتىن بولدى.

 

ۇقساس جاڭالىقتار

Back to top button