وڭىرلەرگە ۇزدىك پەداگوگتەردى تارتۋ باعدارلاماسى باستالدى

ەلىمىزدە مۇعالىمدەر تاپشىلىعى بار جانە ءبىلىم ساپاسى ناشار وڭىرلەرگە ۇزدىك پەداگوگتەردى تارتۋ بويىنشا ارنايى باعدارلاما باستالدى دەپ حابارلادى turkystan.kz.

قازىرگى ۋاقىتتا بايقاۋعا قاتىسۋ ءۇشىن قۇجاتتاردى قابىلداۋ ءجۇرىپ جاتىر. قاجەتتى قۇجاتتار ءتىزىمى جەرگىلىكتى اتقارۋشى ورگانداردىڭ جانە نزم اقپارات رەسۋرستارىندا ورنالاستىرىلعان. قۇجاتتار 2022 جىلعى 26 ​​ماۋسىمعا دەيىن قابىلدانادى.

بۇعان دەيىن وقۋ-اعارتۋ مينيسترلىگى مەملەكەت باسشىسىنىڭ تاپسىرماسى بويىنشا مۇعالىمدەر تاپشىلىعى نەمەسە ءبىلىم ساپاسى ناشار وڭىرلەرگە ۇزدىك پەداگوگتەردى تارتۋ ءۇشىن ارنايى باعدارلاما ازىرلەگەن بولاتىن. ماسەلە – تۇركىستان، اتىراۋ، ماڭعىستاۋ جانە الماتى وبلىستارى جايىندا. بۇل ايماقتارعا ماتەماتيكا، فيزيكا، حيميا، ورىس ءتىلى مەن ادەبيەتى، شەت ءتىلى مۇعالىمدەرى قاجەت.

«حالىقارالىق PISA 2018 زەرتتەۋىنىڭ جانە ۇلتتىق بىرىڭعاي تەستىلەۋدىڭ ناتيجەلەرى باسقا وبلىستاردىڭ وقۋشىلارىمەن سالىستىرعاندا وسى وڭىرلەر وقۋشىلارىنىڭ بىلىمىندە الشاقتىق بارىن كورسەتىپ وتىر. وسى وڭىرلەردىڭ ءبىلىم ساپاسىن ارتتىرۋ جانە پەداگوگ تاپشىلىعى ماسەلەسىن شەشۋ ءۇشىن ۇزدىك مۇعالىمدەردى تارتۋ ماقساتىندا ارنايى باعدارلاما ازىرلەندى. پەداگوگتەر كونكۋرس ارقىلى ىرىكتەلەدى. كونكۋرسقا تيiستi بەيiندەر بويىنشا جوعارى پەداگوگيكالىق، جوعارى كاسiپتiك بiلiمi بار، «پەداگوگ-ساراپشى»، «پەداگوگ-زەرتتەۋشى»، «پەداگوگ-ماگيستر» بiلiكتiلiك ساناتتارى بار مۇعالىمدەر، سونداي-اق وقۋ ۇلگەرiمi جاقسى جوعارى وقۋ ورىندارىنىڭ پەداگوگيكالىق ماماندىقتارىنىڭ تۇلەكتەرi قاتىسا الادى. پەداگوگتەرگە كونكۋرسقا تۇرعىلىقتى جەرىنە قاراماستان قاتىسۋىنا بولادى»، – دەدى وقۋ-اعارتۋ مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ توراعاسى گۇلميرا كارىموۆا.

مۇعالىمدەردى بوس لاۋازىمدارعا تارتۋ ءۇشىن ءتيىستى ايماقتاردىڭ وبلىستىق ءبىلىم باسقارمالارى جانىنان ۇيلەستىرۋ كەڭەستەرى، سونداي-اق مينيسترلىك جانىنان كونكۋرس كوميسسياسى قۇرىلادى.

بوس جۇمىس ورىندارىنا ورنالاسۋ ءۇشىن ۇمىتكەرلەر كومپيۋتەرلىك تەستىلەۋدى ءساتتى تاپسىرىپ، ەسسە جازىپ، اڭگىمەلەسۋدەن ءوتۋى كەرەك.

ەمتيحاندار ۇمىتكەردىڭ تاڭداۋى بويىنشا وڭىردەگى نازارباەۆ زياتكەرلىك مەكتەپتەرىندە قازاق، ورىس نەمەسە اعىلشىن تىلدەرىندە وتكىزىلەدى.

ال اڭگىمەلەسۋدى مينيسترلىك جانىنداعى كونكۋرس كوميسسياسى وتكىزەدى. كوميسسيا قۇرامىنا «نزم» دببۇ، ى. التىنسارين اتىنداعى ۇبا، «ورلەۋ» باۇو» اق جانە وقۋ-اعارتۋ مينيسترلىگىنىڭ وكىلدەرى كىرەدى.

كونكۋرس ىرىكتەۋىنەن وتكەن مۇعالىمدەرگە 4 اپتالىق بىلىكتىلىكتى ارتتىرۋ كۋرستارى مەن كۋرستان كەيىنگى قولداۋ شارالارى ۇيىمداستىرىلادى. ونىڭ قۇرامىنا ونلاين جانە وفلاين فورماتتاعى سەمينارلار، ۆەبينارلار مەن شەبەرلىك سىنىپتارى، زياتكەرلىك مەكتەپتەردىڭ زەرتحانالارىندا جاراتىلىستانۋ پاندەرى مۇعالىمدەرىنە ارنالعان تاعىلىمدامالار كىرەدى.

ۇزدىك پەداگوگتەردى تارتۋعا ارنالعان ارنايى باعدارلامادا مۇعالىمدەردى قولداۋعا باعىتتالعان شارالار كەشەنى بار. اتاپ ايتقاندا، لاۋازىمدىق جالاقىنىڭ 250% مولشەرىندە ىنتالاندىرۋ تولەمدەرى بار، ونىڭ ىشىندە جالاقىنى كوتەرۋ، تۇرعىن ءۇيدى جالداۋ اقىسىن جانە كوممۋنالدىق تولەمدەر شىعىن وتەۋ قاراستىرىلعان.

 

ۇقساس جاڭالىقتار

Back to top button