ۇلتتىق بانك: مامىر ايىندا 3 300-دەن استام التىن قۇيما ساتىلدى

مامىر ايىندا ەكىنشى دەڭگەيلى بانكتەر مەن بانكتىك ەمەس جەكەلەگەن ايىرباستاۋ پۋنكتتەرىندە جالپى سالماعى 92،7 كەلى 3 316 التىن قۇيما ساتىلدى دەپ حابارلادى turkystan.kz ۇلتتىق بانكتىڭ ءباسپاسوز قىزمەتىنە سىلتەمە جاساپ.

حالىققا تازارتىلعان التىن قۇيمالاردى ساتۋ جانە ساتىپ الۋ باعدارلاماسىن ۇلتتىق بانك 2017 جىلى ىسكە قوسقان بولاتىن. باعدارلاما قولعا الىنعالى جالپى سالماعى 3،2 تونناعا جۋىق 94 545 التىن قۇيما ساتىلعان.

«التىن قۇيمالار بەس ءتۇرلى سالماقتا ۇسىنىلادى: 5، 10، 20، 50 جانە 100 گ. ساتىپ الۋشىلار اراسىندا ەڭ كوپ سۇرانىسقا يە ءتۇرى – 10 گرامدىق التىن قۇيما. جالپى ساتىلعان قۇيمالار اراسىندا ونىڭ ۇلەسى – 26%، ياعني، 24 493 دانا. ودان كەيىن 20 گرامدىق قۇيما كوپ ساتىلادى – 20 385 دانا (22%)، 5 گرامدىق قۇيمادان 19 468 دانا (20%)، 100 گرامدىق قۇيمادان 18 679 دانا (20%)، 50 گرامدىق قۇيمادان 11 520 دانا (12%) ساتىلدى. التىن قۇيمالار الماتى، نۇر-سۇلتان جانە اتىراۋ قالالارىندا كوپ ساتىلادى»، – دەلىنگەن حابارلامادا.

باعدارلاما  باستالعاننان بەرى ەكىنشى دەڭگەيلى بانكتەر مەن بانكتىك ەمەس جەكەلەگەن ايىرباستاۋ پۋنكتتەرى جالپى سالماعى 330 كەلى 13 692 التىن قۇيمانى كەرى ساتىپ العان، بۇل – جالپى ساتىلعان قۇيمالاردىڭ 14%-ى. كەرى ساتىپ الىنعان التىن قۇيمالاردىڭ بارلىعى دەرلىك ۇلتتىق بانكتىڭ فيليالدارى ارقىلى حالىققا ساتىلادى.

ۇقساس جاڭالىقتار

Back to top button