ماڭعىستاۋ وبلىسىندا قۇستار قىرىلىپ جاتىر

بالىقشىلار ماڭعىستاۋ وبلىسىنىڭ باۋتينو جانە اتاش كەنتتەرىندە جاعالاۋدان 160 ءولى سۋقۇزعىن تاپقان دەپ حابارلادى turkystan.kz.  

بۇل تۋرالى ماڭعىستاۋ وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ ءبولىم باسشىسى تۇرعانباي شاپاعاتوۆ مالىمدەدى.

ونىڭ ايتۋىنشا، ماماندار سۋقۇزعىنداردان ادام ارەكەتتەرىنىڭ بەلگىلەرىن تاپپاعان. «قۇستار قىزىل كىتاپقا ەنبەگەن. ادامداردىڭ بۇعان قاتىسى جوق، ولاردىڭ قىرىلۋى ەكولوگيامەن بايلانىستى بولۋى مۇمكىن. ەكولوگيا ماماندارى سۋ، اۋا سىناماسىن جانە قۇستاردىڭ ەتىنەن ماتەريالدار الدى. ناتيجەسى كەلسە، مىندەتتى تۇردە حابارلايمىز. ءبىز ولاردىڭ جاپپاي قىرىلۋىن 2-3 كۇن بۇرىن بولعان قاتتى داۋىلمەن بايلانىستىرىپ وتىرمىز»، – دەدى تۇرعانباي شاپاعاتوۆ.

ەسكە سالساق، بۇعان دەيىن ءوڭىر تۇرعىندارى فورت-شەۆچەنكو اۋدانىندا سۋ ايدىنىنان قىرىلىپ قالعان قۇستاردى ۆيدەوعا ءتۇسىرىپ العان بولاتىن. ماماندار قۇستاردىڭ قىرىلۋ سەبەبىن انىقتاۋعا كىرىستى.

ۇقساس جاڭالىقتار

Back to top button