بولات نازارباەۆتىڭ ۇستىنەن قىلمىستىق ءىس قوزعالدى

الماتى قالاسى بويىنشا ەكونوميكالىق تەرگەۋ دەپارتامەنتى بولات نازارباەۆ پەن ونىڭ ەكس-ايەلى مايرا قۇرمانعاليەۆاعا قاتىستى «رەيدەرلىك» بابى بويىنشا قىلمىستىق ءىس قوزعادى دەپ حابارلادى turkystan.kz.

«قۇزىرلى ورگاندارعا ءتيىستى مالىمدەمەنى نۇرشا كاكەنوۆ بەرگەن. ول «Karuan» جشس قۇرىلتايشىلارىنىڭ ءبىرى بولعان كەزىندە ونىڭ ۇلەسىن بولات نازارباەۆ تارتىپ الىپ قويعان. ارىزدانۋشىنىڭ شىعىنى 150 ملن دوللاردى قۇرايدى»، – دەپ ايتىلعان Kozachkov offside Telegram-ارناسىندا.

بۇل تۋرالى قارجى مونيتورينگى اگەنتتىگى مىناداي مالىمدەمە جاساعان:

«17 ماۋسىمدا الماتى پروكۋراتۋراسىنان Karuan جشس-ءنىڭ رەيدەرلىك جولمەن الىنعانى تۋرالى حابارلاما ءتۇستى. وتىنىشتە كورسەتىلگەن دالەلدەر تەكسەرىلىپ، وعان قۇقىقتىق باعا بەرىلەدى»، – دەلىنگەن حابارلامادا.

سونداي-اق، قارجى مينيسترلىگىنىڭ قارجىلىق ەسەپتىلىك دەپوزيتاريى Karuan جشس ماڭعىستاۋ وبلىسىنداعى ماڭعىستاۋ (ايتكوكشە) كەن ورنىندا مارگانەتس بارلاۋمەن اينالىسقانىن ايتادى.

ال ەgov.kz پورتالىنىڭ مالىمەتىنشە، 2006 جىلدىڭ باسىندا نۇرشا كاكەنوۆ سەرىكتەستىك يەلەرىنىڭ ءبىرى بولعان، بىراق سول جىلى ءبىرىنشى پرەزيدەنتتىڭ ءىنىسى جشس-ءنىڭ جالعىز قاتىسۋشىسى بولىپ قالعان.

2018 جىلدىڭ اقپان ايىنان باستاپ كومپانيا ەكى زاڭدى تۇلعاعا تيەسىلى. ولار – «Central Asian Investment Consulting Company» جشس جانە كيپردە تىركەلگەن ILMAX LTD.

2021 جىلى «Karuan» جشس جۇمىسىن توقتاتقان.

ۇقساس جاڭالىقتار

Back to top button