ەلوردا ماڭىنداعى ءورتتى سوندىرۋگە تىكۇشاق جۇمىلدىرىلدى

ەلوردا ماڭىندا بولعان ءورتتى سوندىرۋگە مي-8 ۇشاعى جۇمىلدىرىلدى دەپ حابارلادى turkystan.kz.  

ءورت 20 ماۋسىم كۇنى ساعات 15.00-دە باستالدى. قورعالجىن تاس جولى بويىنداعى ۇلكەن تالدىكول كولىندەگى قامىس ورتەنگەن.

«قولجەتىمدىلىگى قيىن سۋلى-باتپاقتى جەرلەردەگى اشىق اۋماقتا شامامەن 6،5 گا جالپى الاڭدا قامىس ورتەندى. «استانا ورمانى» مكك كۇشىمەن ءورت پەريمەترى بويىنشا جەر جىرتىلدى. ءورتتىڭ «نۇر-سۇلتان قالاسىنىڭ جاسىل بەلدەۋىنە» تارالۋ قاۋپى جوق»، – دەدى ۆەدومستۆو وكىلدەرى.

ءورتتى سوندىرۋگە تجد جەكە قۇرامىنىڭ 122 قىزمەتكەرى، 30 بىرلىك تەحنيكاسى مەن كوممۋنالدىق قىزمەتتەر جۇمىلدىرىلدى.

ال بۇگىن، 21 ماۋسىم ساعات 08.09-دا نۇر-سۇلتان اەرودرومىنان «قازاۆياقۇتقارۋ» اق-نىڭ مي-8 تىكۇشاعى ۇشىپ كەتتى.

ۇقساس جاڭالىقتار

Back to top button