اقتاۋدى كوبەلەكتەر مەن قىزىل قوڭىزدار باستى

اقتاۋدى قاناتتىلار ساناتىنا جاتاتىن كوبەلەك پەن قىزىل قوڭىز باستى. جاندىكتەردىڭ كۇرت كوبەيۋى تۇرعىنداردى الاڭداتىپ وتىر دەپ حابارلادى turkystan.kz كتك ارناسىنا سىلتەمە جاساپ.

الايدا بيولوگتار مولشەردەن تىس كوبەيگەن كوبەلەك پەن قانقىزىنىڭ ەشكىمگە زيانى جوق ەكەنىن ايتتى. جاۋىن-شاشىن كوپ تۇسكەن كەزدە مۇنداي قۇبىلىس بولىپ تۇرادى. ءتىپتى «دانايدا مونارح» دەپ اتالاتىن كوبەلەك كوشپەلى قاناتتىلار ساناتىنا جاتادى ەكەن.

«مۇنىڭ ەشقانداي زيانى جوق. قورەكتەنەتىن اسى ليۋتسەرن، سيرەننىڭ شىرىنىمەن قورەكتەنەدى. بۇل قازىرگى ۋاقىتتا تۇركىمەنستان ارقىلى قازاقستانعا كەلىپ، قازاقستان ارقىلى وزبەكستانعا بارا جاتقان كوبەلەكتەردىڭ ءتۇرى. جىل قۇستارى سياقتى بۇلار دا ميگراتسيالانىپ وتىرادى. مۇنداي ميگراتسيالاناتىن 12 ءتۇرلى كوبەلەك بولسا، سونىڭ تورتەۋى قازاقستان ارقىلى وتەدى. ال قىزىل قوڭىزدار جىرتقىشتار ساناتىنا جاتادى. ولار ۇساق شىركەيلەر، بيت جانە سىمىرمەن قورەكتەنەدى. اقتاۋدا ۇساق شىركەيلەر كوپ. ولار – ءبىزدىڭ كىشكەنتاي دوستارىمىز»، – دەدى ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ كافەدرا مەڭگەرۋشىسى ءلاتيپا قوجامجاروۆا.

ۇقساس جاڭالىقتار

Back to top button