وزبەكستان پرەزيدەنتى حالقىنا رەفەرەندۋم وتكىزۋدى ۇسىندى

وزبەكستان باسشىسى ءباسپاسوز قىزمەتىنىڭ مالىمەتىنشە، وزبەكستان پرەزيدەنتى شاۆكات ميرزيەەۆ كونستيتۋتسياعا تۇزەتۋلەر بويىنشا رەفەرەندۋم وتكىزۋدى ۇسىندى دەپ حابارلادى turkystan.kz.

«كوميسسيانىڭ ۇسىنىسى نەگىزىندە پارلامەنت ازىرلەگەن جوبانى قوعامدىق تالقىلاۋدا قاراپ، ونى رەفەرەندۋم ارقىلى قابىلداۋدى ۇسىنامىن»، – دەدى ميرزيەەۆ.

ول قازىرگى ۋاقىتتا پارلامەنت وزبەكستان كونستيتۋتسياسىنا ءوز بەتىنشە تۇزەتۋلەر ەنگىزۋگە قۇقىلى ەكەنىن، بىراق مۇنى حالىقتىڭ ەركىنە سۇيەنە وتىرىپ جاساعان دۇرىسىراق بولاتىنىن اتاپ ءوتتى.

 «الايدا، ەگەر ءبىز كونستيتۋتسيالىق رەفورمانى رەفەرەندۋم ارقىلى، ازاماتتارىمىزدىڭ پىكىرى مەن قولداۋىنا سۇيەنە وتىرىپ جۇرگىزسەك، وندا بۇل ءبىزدىڭ حالقىمىزدىڭ ەرىك-جىگەرىنىڭ كورىنىسى ءارى ناعىز حالىقتىق كونستيتۋتسيا بولادى دەپ ويلايمىن»، – دەدى وزبەكستان باسشىسى.

بۇعان دەيىن ميرزيەەۆ كونستيتۋتسيانى 2022 جىلدىڭ جەلتوقسانىنا دەيىن جاڭارتۋ تۋرالى باستاما كوتەرگەن بولاتىن. مامىر ايىنىڭ سوڭىندا پارلامەنت نەگىزگى زاڭعا تۇزەتۋلەر ەنگىزۋ ءۇشىن كونستيتۋتسيالىق كوميسسيا قۇردى.

ايتا كەتسەك، 5 ماۋسىم كۇنى قازاقستاندا كونستيتۋتسياعا وزگەرىستەر ەنگىزۋ بويىنشا رەسپۋبليكالىق رەفەرەندۋم ءوتتى.

ۇقساس جاڭالىقتار

Back to top button