اقجارقىن تۇرلىباي ءىسى. كونترابانداعا قاتىستى نيگەريالىق ۇستالدى

شەت مەملەكەتتىڭ تەرريتورياسىندا اقجارقىن تۇرلىباي ءىسى بويىنشا كۇدىكتى رەتىندە تانىلعان نيگەريا ازاماتى ۇستالدى. بۇعان دەيىن وعان حالىقارالىق ىزدەۋ جاريالانعان بولاتىن. بۇل تۋرالى جۋرناليستەرگە وتاندىق ادۆوكات سۇڭقار نۇرماعامبەتوۆ ءمالىم ەتتى دەپ حابارلادى turkystan.kz Zakon.kz سايتىنا سىلتەمە جاساپ.

ادۆوكات سۇڭقار نۇرماعامبەتوۆ شەتەلدىك ازاماتتىڭ ۇستالعانى تۋرالى الدىن الا بەلگىلى ءبىر اقپاراتقا سىلتەمە جاساي وتىرىپ مالىمدەدى.

«الدىن الا اقپارات بويىنشا، شەت مەملەكەتتىڭ تەرريتورياسىندا 2014 جىلى اقجارقىن تۇرلىبايدىڭ قىتايعا ساپارىن ۇيىمداستىردى دەپ كۇدىككە ىلىنگەن نيگەريا ازاماتى اديندو نونسو فورتۋنە – «دجونني» ۇستالدى. وسى نەگىزدە اقپارات الۋ ءۇشىن ءىىم-گە ادۆوكاتتىق سۇراۋ جولدادىم»، – دەدى ادۆوكات سۇڭقار نۇرماعامبەتوۆ.

ايتا كەتسەك، 2015 جىلى ءىىم نيگەريا ازاماتىنا قاتىستى قىلمىستىق ءىس قوزعادى.

قازاقستان ازاماتى اقجارقىن تۇرلىباي 2014 جىلى گۋانچجوۋ اۋەجايىندا ۇستالدى. وعان ەسىرتكى كونترابانداسى بويىنشا ايىپ تاعىلىپ، ءومىر بويى باس بوستاندىعىنان ايىرىلدى. اقجارقىننىڭ قورعاۋشىلارى ونى قازاقستانعا قايتارۋدى تالاپ ەتەدى.

 

ۇقساس جاڭالىقتار

Back to top button