AMANAT پارتياسى: بولاشاق جوسپارلار ناقتىلاندى

بۇگىن ءماجىلىس cپيكەرى ەرلان قوشانوۆتىڭ توراعالىعىمەن AMANAT پارتياسى فراكتسياسىنىڭ كەزەكتى جينالىسى ءوتتى دەپ  حابارلادى turkystan.kz قر پارلامەنتى ءماجىلىسىنىڭ ءباسپاسوز قىزمەتىنە سىلتەمە جاساپ.

ە. قوشانوۆ فراكتسيا مۇشەلەرىنىڭ بۇكىل ايماقتاردى ارالاپ، ۇگىت-ناسيحات جۇمىستارىن جۇرگىزىپ، رەفەرەندۋمدى ابىرويمەن وتكىزۋگە بەلسەندى قاتىسقانىن اتاپ ءوتتى.

– بۇل كەشەندى جۇمىستىڭ باسى عانا. ءبىزدىڭ الدىمىزدا ناقتى ءارى اۋقىمدى مىندەتتەر تۇر. ەڭ اۋەلى – كونستيتۋتسيالىق رەفورمالاردى زاڭنامالىق تۇرعىدا قامتاماسىز ەتۋىمىز كەرەك، – دەدى AMANAT پارتياسىنىڭ توراعاسى.

سونىمەن قاتار، پالاتا سپيكەرى ۇلتتىق قۇرىلتايعا ءماجىلىس دەپۋتاتتارىنىڭ مۇشە بولۋى جيىندا كوتەرىلگەن ماڭىزدى ماسەلەلەردى زاڭنامالىق تۇرعىدا ىسكە اسىرۋعا مۇمكىندىك بەرەتىنىنە جانە پارلامەنت قابىرعاسىندا قوعامدىق ديالوگتى دامىتۋعا جول اشاتىنىنا باسا نازار اۋداردى.

AMANAT پارتياسى: بولاشاق جوسپارلار ناقتىلاندى

ايتا كەتسەك، ۇلتتىق قۇرىلتايدا ەرلان قوشانوۆ ءماجىلىس جانىنان قوعامدىق پالاتا قۇرۋ تۋرالى باستاما كوتەرگەن بولاتىن.

قوعامدىق پالاتا بارلىق دەپۋتاتتاردى قامتي وتىرىپ، حالىقتى تولعاندىرعان وزەكتى ماسەلەلەر بويىنشا پىكىر الماسۋدىڭ جانە زاڭ جوبالارىن تالقىلاۋدىڭ اشىق الاڭىنا اينالماق.

باسقوسۋ بارىسىندا فراكتسيانىڭ الداعى جۇمىسى ناقتىلانىپ، دەپۋتات ا.سارىم، ا.راۋ جانە ە.جاڭبىرشين ءسوز سويلەدى، ءوز ۇسىنىس-پىكىرلەرىن جەتكىزدى.

ۇقساس جاڭالىقتار

Back to top button