Жаңалықтар

AMANAT партиясы: болашақ жоспарлар нақтыланды

ашық дереккөзі

AMANAT партиясы: болашақ жоспарлар нақтыланды

Бүгін Мәжіліс cпикері Ерлан Қошановтың төрағалығымен AMANAT партиясы фракциясының кезекті жиналысы өтті деп  хабарлады turkystan.kz ҚР Парламенті Мәжілісінің Баспасөз қызметіне сілтеме жасап. Е. Қошанов фракция мүшелерінің бүкіл аймақтарды аралап, үгіт-насихат жұмыстарын жүргізіп, референдумды абыроймен өткізуге белсенді қатысқанын атап өтті. – Бұл кешенді жұмыстың басы ғана. Біздің алдымызда нақты әрі ауқымды міндеттер тұр. Ең әуелі – Конституциялық реформаларды заңнамалық тұрғыда қамтамасыз етуіміз керек, – деді AMANAT партиясының төрағасы. Сонымен қатар, Палата спикері Ұлттық құрылтайға Мәжіліс депутаттарының мүше болуы жиында көтерілген маңызды мәселелерді заңнамалық тұрғыда іске асыруға мүмкіндік беретініне және Парламент қабырғасында қоғамдық диалогты дамытуға жол ашатынына баса назар аударды.