ۇيلەنۋ تويىندا قالىڭدىعىن ۇرعان ەر ادامعا سوت شەشىمى شىقتى

وزبەكستاندا قالىڭدىعىن ۇرىپ جىبەرگەن ەر ادامدى سوت جازالامايتىن بولدى دەپ حابارلادى turkystan.kz Tengrinews.kz سايتىنا سىلتەمە جاساپ. 

اكىمشىلىك ءىس «ۇساق بۇزاقىلىق» بابى بويىنشا اشىلدى. سوت ايەلدىڭ شاعىمدارى مەن نارازىلىعىنىڭ بولماۋىنا بايلانىستى جازا قولدانبادى.

ەر ادام كەشىرىم سۇراپ، مۇندايدى ەندى قايتالاماۋعا ۋادە بەردى.

«ءوزىمدى ۇستاي الماي قالدىم. ماسەلە شەشىلدى، ۇيلەنۋ تويى جالعاستى. مەن قالىڭدىعىمنان كەشىرىم سۇرادىم. ەندى بۇل قايتالانبايدى»، – دەدى ول.

Meaning yurtim ارناسىنىڭ اقپاراتىنا سۇيەنسەك، بۇل جۇپ ءبىر جىل بۇرىن اتاستىرىلعان. ولار 10 مامىردا احاج-عا ءوتىنىش بەرىپ، نەكە تۋرالى كۋالىگىن 15 ماۋسىمدا، ۇيلەنۋ تويىنان 9 كۇن وتكەن سوڭ العان.

ۆيدەودا قالىڭدىقتى ساحنادان الىپ شىققان اناسى تەلەارناعا بەرگەن سۇحباتىندا كۇيەۋبالانىڭ تۋىستارىنان كەشىرىم العاننان كەيىن ۇيلەنۋ تويى جالعاسقانىن ايتتى. سيۋجەتتە قىزىنا قوڭىراۋ شالىپ، ولار جاقسى ءومىر ءسۇرىپ جاتقانىن ايتادى.

ەسكە سالساق، وزبەكستاندا كۇيەۋ جىگىت ۇيلەنۋ تويىندا كونكۋرستان جەڭىلىپ قالىپ، قالىڭدىعىن ۇرىپ-سوققان بولاتىن. وقيعانىڭ ۆيدەوسى الەۋمەتتىك جەلىلەردە كەڭىنەن تاراپ كەتكەن.

ۇقساس جاڭالىقتار

Back to top button