باس پروكۋراتۋرا: قاڭتار وقيعاسىنان كەيىن 25 ادامدى ۇتىكپەن ازاپتاعان

قاڭتار وقيعاسىنا قاتىستى دەگەن كۇدىكپەن 25 ادامدى قىزعان ۇتىكپەن ازاپتاعان. بۇل تۋرالى باس پروكۋراتۋراسى 1-قىزمەت باستىعى Cەرىك شالاباەۆ ايتتى دەپ حابارلادى turkystan.kz.

«قازىرگى ۋاقىتتا 8 رەزونانستى ءىستى ارنايى پروكۋرورلار تەرگەپ جاتىر. بۇل ىستەر بويىنشا 15 قۇقىق قورعاۋ جانە ارنايى ورگانداردىڭ قىزمەتكەرلەرى كۇدىكتى رەتىندە تانىلدى، ونىڭ 9-ى قاماۋدا. اتاپ ايتقاندا، الماتى وبلىسىندا قىزعان ۇتىكتى پايدالانۋ ارقىلى ازاپتاۋ ءىسى بويىنشا 25 ادام جابىرلەنگەنى انىقتالدى. بارلىق ارىزدانۋشىلار ازاپتاۋدى قولدانۋدىڭ ۇقساس ءتاسىلىن سيپاتتادى»، – دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

شالاباەۆتىڭ ايتۋىنشا، جەدەل-تەرگەۋ ارەكەتتەردىڭ ناتيجەسىندە ارنايى پروكۋرورلار 5 پوليتسيا قىزمەتكەرىنىڭ ۇتىكپەن ازاپتاۋعا قاتىسى بار ەكەندىگى انىقتالعان. ولاردىڭ ۇشەۋى كىناسىن مويىنداپ وتىر.

«ۇلتتىق قاۋىپسىزدىك كوميتەتى الماتى وبلىستىق دەپارتامەنتىنىڭ ەكى قىزمەتكەرىنە قاتىستى تەرگەۋ ارەكەتتەرىن اياقتادىق. ولار ۇستالعان ادامدى ۇرىپ-سوعىپ، ولتىرگەن دەگەن كۇدىككە ءىلىندى»، – دەدى قىزمەت باستىعى.

ۇقساس جاڭالىقتار

Back to top button