قاي جاستاعى بالالار پويىزدا تەگىن جۇرە الادى؟

بالالاردىڭ تەگىن جول ءجۇرۋى ءۇشىن ساياحات شىعىندارى ەداۋىر ازاياتىن بولدى دەپ حابارلادى turkystan.kz.    

«قازاقستان تەمىر جولى» اق ەرەجەلەرىنە سايكەس بالاعا جەكە ورىن قاجەت بولعان جاعدايدا بالالار بيلەتىن ساتىپ الۋ قاجەت.

«بالالار بيلەتتەرى 7 جاستان 15 جاسقا دەيىنگى بالالارعا الىنۋى كەرەك جانە ولاردىڭ قۇنى ەرەسەكتەر بيلەتىنىڭ جارتىسىنا تەڭ. 15 جاستان باستاپ بالا وزدىگىنەن جۇرە الاتىندىقتان، وعان ەرەسەك بيلەت ساتىپ الىنادى»، –  دەلىنگەن حابارلامادا.

بۇل رەتتە 15 جاسقا دەيىنگى بالالار مىندەتتى تۇردە زاڭدى وكىلدەرىمەن نەمەسە سەنىمحات بويىنشا ءجۇرۋى ءتيىس.

«ەگەر بىرنەشە بالا بولسا، وندا ءسىز ولاردىڭ بىرەۋىن عانا تەگىن الىپ جۇرە الاسىز، تەك ول بولەك ورىن الماۋى كەرەك. بولەك ورىن ءۇشىن بيلەت كەرەك»، –   دەپ ايتىلعان كومپانيا جازباسىندا.

مەملەكەتارالىق تاسىمالدارعا كەلەتىن بولساق، بەس جاسقا دەيىن بالالار ورىن ۇسىنباي تەگىن جۇرە الادى. 5 جاستان 10 جاسقا دەيىن جول ءجۇرۋ قۇنى – بالالار ءتاريفى بويىنشا; 10 جاستان 15 جاسقا دەيىن قازاقستان ىشىندەگى بيلەت تولىق قۇننىڭ 50 پايىزىن، ال باسقا مەملەكەت اۋماعى بويىنشا تولىق ءتاريفتى قۇرايدى.

ۇقساس جاڭالىقتار

Back to top button