ۇبت ناتيجەسىنە قاتىستى مالىمەتتەر جاريالاندى

قازاقستاندا نەگىزگى ۇلتتىق بىرىڭعاي تەستىلەۋگە قاتىسۋعا 290 مىڭعا جۋىق ءوتىنىش ءتۇستى. بۇگىنگى كۇنگە دەيىن  215 تالاپكەر ەمتيحان تاپسىرۋ مۇمكىندىگىنەن ايىرىلدى دەپ حابارلادى turkystan.kz.

ۇبت-نىڭ ارالىق ناتيجەسىن ۇسىنعان ۇلتتىق تەستىلەۋ ورتالىعىنىڭ مالىمەتىنشە، بۇگىنگە دەيىن تۇلەكتەردىڭ 75%-ى – قازاق تىلىندە، 24،8%-ى – ورىس تىلىندە، 0،1%-ى اعىلشىن تىلىندە ەمتيحاننان ءوتتى.

شەكتى بالدى 67%-عا جۋىق تالاپكەر عانا جيناي الدى. ورتاشا بالل – 66 بالدى قۇرادى.

وسى ۋاقىتقا دەيىن سمارتفون، شپارگالكا جانە باسقا دا تىيىم سالىنعان زاتتاردى الىپ وتپەك بولعان 215 تالاپكەر تەست تاپسىرۋ مۇمكىندىگىنەن ايىرىلدى. تەستىلەۋ كەزىندە ەرەجەلەردى بۇزعانى ءۇشىن اۋديتوريادان 199 ادام شىعارىلىپ، ناتيجەلەرى جويىلدى.

«تەستىلەۋدىڭ بەسىنشى اپتاسى اياقتالدى، بارلىعى شتاتتى رەجيمدە ءوتىپ جاتىر. جالپى، نەگىزگى ۇلتتىق بىرىڭعاي تەستىلەۋگە قاتىسۋعا 290 مىڭعا جۋىق ءوتىنىش كەلىپ ءتۇستى، ولاردىڭ ىشىندە 160 مىڭ ءوتىنىش ءبىرىنشى مۇمكىندىككە، 130 مىڭ ءوتىنىش ەكىنشى مۇمكىندىككە بەرىلگەن. قازىرگى تاڭدا 170 مىڭ رەت تەست تاپسىرىلدى، ياعني تالاپكەرلەر ەكىنشى مۇمكىندىگىن پايدالانا باستادى. وتكەن اپتامەن سالىستىرعاندا ورتاشا بالل 1 بالعا جوعارىلادى»، – دەدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ.

ەسكە سالساق، ۇبت-عا كىرگىزۋ كەزىندە ءۇش دەڭگەيلى جۇيە قولدانىلادى: Face ID جەكە باسىن سايكەستەندىرۋ ارقىلى، جەكە كۋالىك بويىنشا، سونداي-اق وتىرعىزۋ ورنىندا جەكە باسىن سايكەستەندىرۋ. بيىل تەستىلەۋ «1 كومپيۋتەر – 2 كامەرا – 1 تەستىلەنۋشى» قاعيداتىمەن وتەدى. ەگەر بۇعان دەيىن تەستىلەۋ پروتسەسىن ءار كومپيۋتەردىڭ جوعارعى جاعىنان باقىلاپ وتىراتىن ءبىر كامەرا عانا بولسا، ەندى تەستىلەنۋشىنىڭ جەكە باسىن سايكەستەندىرۋگە جانە بوگدە ادامداردىڭ كىرۋىنە جول بەرمەۋگە مۇمكىندىك بەرەتىن ەكىنشى (فرونتالدى) كامەرا ورناتىلعان.

تالاپكەرلەر تەستىلەۋ اياقتالعاننان كەيىن 30 مينۋت ىشىندە اپەللياتسياعا بەرە الادى.

ۇقساس جاڭالىقتار

Back to top button