شىمكەنتتە قۇس فابريكاسىنىڭ قويماسى ورتەندى

قالا ىرگەسىندەگى ءوندىرىس ورنىندا كارتون قوراپتارىن ساقتايتىن ورىن جانىپ كەتتى دەپ حابارلادى turkystan.kz حابار 24 ارناسىنا سىلتەمە جاساپ.

اۋماعى شامامەن 1700 شارشى مەتر بولاتىن نىساننىڭ بەستەن ءبىر بولىگىن قىزىل جالىن شارپىدى. زارداپ شەككەندەر جوق. ءورت ءبىر ساعاتتا ءسوندىرىلدى. ماتەريالدىق شىعىن مەن ءورتتىڭ شىعۋ سەبەپتەرى انىقتالىپ جاتىر. كاسىپورىندا 300 ادام تۇراقتى جۇمىس ىستەيدى. فابريكادان كۇنىنە 350 مىڭ دانا جۇمىرتقا شىعارىلادى.

«ءورتتىڭ باسىنا ءبىرىنشى كەلىپ جەتكەن جەكە قۇرامدار بارلاۋ جۇمىستارىن جۇرگىزىپ، «شىمكەنت قۇس» اۋماعىندا ورنالاسقان دايىن جۇمىرتقا ونىمدەرىن ساقتايتىن قويماسىندا ءورت ورىن العانى انىقتالدى. ءورتتىڭ ورىن العان كولەمى 288 شارشى مەتر بولدى»، – دەدى قالالىق تجد ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنىڭ باستىعى التىنبەك تولتاەۆ.

ۇقساس جاڭالىقتار

Back to top button