قازاقستان ينتەرنەت ءتاريفى ەڭ ارزان ەلدەر قاتارىنا كىردى

قازاقستان الەمدە ينتەرنەتتىڭ ەڭ تومەن تاريفتەرى بويىنشا 8-ورىنعا يە بولدى دەپ حابارلادى turkystan.kz قازاقپاراتقا سىلتەمە جاساپ.

2022 جىلعا ارنالعان ينتەرنەتكە قولجەتىمدىلىك يندەكسىنىڭ سوڭعى رەيتينگىنە سايكەس قازاقستان ينتەرنەتتىڭ ەڭ تومەن ءتاريفى بويىنشا 8-ورىنعا يە بولدى. قازاقستاندىقتار 1 گب ءموبيلدى ينتەرنەت ءۇشىن نەبارى $0،8 تولەيدى. ونىڭ ۇستىنە قازاقستاندا تاريف قۇنى تومەندەپ بارادى: ءبىر جىل بۇرىن بۇل كورسەتكىش 0،9 اقش دوللارىن قۇراعان.

سالىستىرمالى تۇردە، كورشىلەس وزبەكستاندا ايىنا 1 گب ءۇشىن 1،3 اقش دوللارى، تاجىكستاندا – 3،5 اقش دوللار تولەنسە، ينتەرنەت ءتاريفى 17،5 دوللارعا جەتكەن تۇرىكمەنستان افريكا ەلدەرى جانە ارال مەملەكەتتەرىمەن بىرگە اۋتسايدەر قاتارىنا كىردى. ءموبيلدى ينتەرنەتى قولجەتىمدى ەلدەر وندىعىنا قازاقستاننان باسقا رەسەي، قىرعىزستان جانە بەلارۋس كىردى. ساراپشىلاردىڭ پايىمىنشا، قازاقستانداعى ءموبيلدى ينتەرنەتپەن قامتۋدىڭ جوعارى دەڭگەيى – 96%-دى قۇرايدى.

  1. يزرايل – 0،3 اقش دوللارى
  2. رەسەي – 0،5 اقش دوللارى
  3. ءۇندىستان – 0،6 اقش دوللارى
  4. شري-لانكا – 0،6 اقش دوللارى
  5. قىرعىزستان – 0،6 اقش دوللارى
  6. بانگلادەش – 0،7 اقش دوللارى
  7. يتاليا – 0،7 اقش دوللارى
  8. قازاقستان – 0،8 اقش دوللارى
  9. بەلارۋس – 0،8 اقش دوللارى
  10. ۆەتنام – 0،8 اقش دوللارى.

 

ۇقساس جاڭالىقتار

Back to top button