جازاسىن وتەۋشى سۇيىكتىسىمەن زاڭدى نەكەسىن قيدى

نۇر-سۇلتان قالاسى بويىنشا قىلمىستىق-اتقارۋ جۇيەسى دەپارتامەنتىنە قاراستى ەتس-166/10 مەكەمەسiندە جازاسىن وتەۋشى 3 جىل بۇرىن بوستاندىقتا تانىسقان سۇيىكتىسىمەن زاڭدى نەكەسىن قيدى دەپ حابارلادى turkystan.kz.

نەكەسىن قيۋ كەزiندە سوتتالعان سۇيىكتىسىمەن 3 جىل بۇرىن تانىسقانىن جانە بوستاندىققا شىققاننان كەيiن وتباسىنا ورالىپ، قامقور بولىپ، بالا ءسۇيۋدى ارماندايتىنىن جەتكىزدى.

«تۇزەۋ مەكەمەلەرiندە ەڭ جاقىن ادامدارمەن كەزدەسۋگە رۇقسات بەرiلەدi. سوندىقتان تەمiر توردىڭ ار جاعىندا وتىرسام دا، الداعى كۇندەرi مەكەمە زاڭدىلىعىنا ساي، نەكەلى جارىممەن كەزدەسۋگە مۇمكiندiك العىم كەلدى. سونىمەن قاتار جازا مەرزiمiمدi وتەۋ كەزiندە بوستاندىقتا مەنi جاقسى كورiپ، كۇتەتiن نەكەلى جارىمنىڭ بارىن ىشتەي بiلiپ، وعان ەرتەرەك ورالۋعا تىرىسامىن»، – دەدى ول.

ءوز كەزەگىندە كۇيەۋى دە جارىن جازا مەرزىمىنىڭ اياقتالعانىنا دەيiن كۇتiپ، جۇبايىلىق قولداۋ كورسەتەتiنiن ايتتى.

جالپى، مەكەمە تاريحىندا تاعدىرىن سۇيىكتىسىمەن بايلانىستىرىپ، تۇزەلۋ جولىنا بەرiك ءتۇسiپ، سايىپ كەلگەندە مەرزiمiنەن بۇرىن بوساتىلعان جازاسىن وتەۋشىلەر كوپ كەزدەسەدى. ونىڭ سەبەبى دە تۇسiنiكتi: نەكەگە تۇرۋ – ءىستى بولعاندارعا وڭ اسەر ەتەدى، ياعني قوعامدا ءوزiنiڭ ورنىن تابۋعا جانە وتباسىنا قامقور بولۋى ءۇشiن مەرزiمiنەن بۇرىن بوساۋىنا ىنتالاندىرادى. تۇزەۋ مەكەمەلەرiندە جازاسىن وتەۋشىلەردىڭ نەكەسiن قيۋداعى باستى ماقسات – جانۇيا الدىندا جاۋاپكەرشiلiكتi سەزiندiرۋ.

«نەكە – بۇل ەرلى-زايىپتىلاردىڭ ارقايسىسى ءۇشىن ماڭىزدى ءسات. ارينە، ءبىزدىڭ قىزمەتكەرلەر اسىقپاۋعا كەڭەس بەرەدi جانە ءبارiن مۇقيات ويلاستىرادى، بiراق ەرلi زايىپتىلاردىڭ قارىم-قاتىناستى زاڭداستىرۋعا دەگەن ۇمتىلىسى جوعالماسا، ءبىز قۇجاتتاردى رەتتەيمىز»، – دەدى ەتس-166/10 مەكەمەسى باستىعىنىڭ مىندەتىن اتقارۋشى ادىلەت مايورى نۇرعالي اجيحان ۇلى.

ۇقساس جاڭالىقتار

Back to top button