«تاعى 2 اي قاماۋدا»: تانىمال ۆاينەرلەرگە ۇكىم شىقتى

Mudarabah Capital قارجى پيراميداسىن جارنامالاعان ۆاينەرلەر مەيىرجان تورەباەۆ پەن مەيىرحان شەرنيازوۆتى قاماۋ مەرزىمى تاعى ەكى ايعا ۇزارتىلدى دەپ حابارلادى turkystan.kz.

«تەرگەۋ سوتىنىڭ 18 ماۋسىمداعى قاۋلىسىمەن سوتقا دەيىنگى تەرگەۋ ورگاندارىنىڭ ءوتىنىشى قاناعاتتاندىرىلدى. م. تورەباەۆ پەن م. شەرنيازوۆقا قاتىستى كۇزەتپەن ۇستاۋ تۇرىندەگى بۇلتارتپاۋ شاراسى 2 ايعا ۇزارتىلدى»، – دەپ حابارلادى قالالىق سوتتىڭ ءباسپاسوز قىزمەتى.

ەسكە سالساق، الماتىدا «Mudarabah Capital» قارجى پيراميداسىنىڭ ءتورت ۇيىمداستىرۋشىسى ۇستالعان ەدى.

كەيىن تانىمال ۆاينەرلەر مەيىرجان تورەباەۆ پەن مەيىرحان شەرنيازوۆ 10 تاۋلىككە قاماۋعا الىندى.

اتالعان تۇلعالار قر قىلمىستىق كودەكسىنىڭ 217-بابى 3-بولىگى بويىنشا الماتى قالالىق پوليتسيا دەپارتامەنتى تەرگەۋ باسقارماسى تەرگەپ جاتقان قىلمىستىق ءىس بويىنشا كۇدىكتى رەتىندە تانىلدى.

ءۇشىنشى كۇدىكتى – تاعى ءبىر تانىمال ۆاينەر ازيمجان سايدباەۆقا ىزدەۋ جاريالاندى. 15 ءساۋىر كۇنى قر باس پروكۋرورىنىڭ ورىنباسارى اسەت شىنداليەۆ قارجى پيراميداسىن قۇرۋ ءىسى بويىنشا تەرگەۋ اياقتالعانىن ءمالىم ەتكەن ەدى.

ۇقساس جاڭالىقتار

Back to top button