ازەربايجاندا قازاقستاندىق تەلەارنالار كورسەتىلۋى مۇمكىن

باكۋدە ءوتىپ جاتقان IX جاھاندىق فورۋم اياسىندا ازەربايجان اۋماعىندا قازاقستان تەلەارنالارىن كورسەتۋ ۇسىنىسى ايتىلدى دەپ حابارلادى turkystan.kz.

اقپارات جانە قوعامدىق دامۋ مينيسترلىگى اقپارات كوميتەتىنىڭ توراعاسى قانات ىسقاقوۆ ازەربايجان رەسپۋبليكاسى مەديا دامۋ اگەنتتىگىنىڭ باس ديرەكتورى احمەد يسمايلوۆپەن كەزدەسىپ، ىنتىماقتاستىقتى دامىتۋ ماسەلەلەرىن تالقىلادى.

اتاپ ايتقاندا، ازەربايجان اۋماعىندا قازاقستاندىق تەلەارنالاردى كورسەتۋ، بالالار انيماتسيالىق كونتەنتىن ديستريبۋتسيالاۋ جانە الماسۋ، سونداي-اق بىرلەسكەن مەديا جوبالاردى ىسكە اسىرۋ مۇمكىندىگى قاراستىرىلدى.

كەزدەسۋ قورىتىندىسىندا بىرلەسكەن جۇمىس توبىن قۇرۋعا شەشىم قابىلداندى. قازاقستان وكىلى ازەربايجان تاراپىن ورتا ازيانىڭ مەديا سالاسىنداعى ەڭ ءىرى ءىس-شارا – Astana Media Week-كە قاتىسۋعا شاقىردى.

ەسكە سالساق، IX جاھاندىق باكۋ فورۋمىندا كوۆيد پاندەمياسىنان كەيىنگى گەوساياسي لاندشافتتى قالىپتاستىرۋ، سOVID-19-دىڭ ورتا ءبىلىم مەن بولاشاققا اسەرى، كليماتتىق قۇبىلىستار، عىلىم، تەحنولوگيا جانە يننوۆاتسيا، سونداي-اق ەكونوميكانىڭ جاھاندىق قايتا قۇرىلۋى جانە باسقا دا ماسەلەلەر تالقىلانادى.

ۇقساس جاڭالىقتار

Back to top button