تارازدا 39 سوتتالعان ازامات اتتەستات الدى

تارازدا ەرەكشە رەجيمدەگى تۇزەۋ مەكەمەسىندەگى 39 سوتتالعان ازامات اتتەستات الدى دەپ حابارلادى turkystan.kz.

ماۋسىم ايىندا ەلىمىزدىڭ بارلىق مەكتەپ بىتىرۋشىلەرى مەملەكەتتىك ەمتيحان تاپسىرىپ، قولدارىنا اتتەستات الادى. مۇنداي قۋانىشتى كۇن تاراز قالاسىنداعى جد-158/7 مەكەمەسىندەگى جازاسىن وتەۋشىلەر اراسىندا دا سالتاناتتى جاعدايدا ءوتتى. مەكەمە جانىنداعى كەشكى مەكتەپتى تامامداعان سوتتالعاندارعا جالپى ورتا ءبىلىم جانە نەگىزگى ورتا ءبىلىم تۋرالى اتتەستات تابىس ەتىلدى.

سالتاناتتى شارا بارىسىندا كەشكى مەكتەپتىڭ وقۋ ءىسىنىڭ مەڭگەرۋشىسى نۇرلان جاماشەۆ ورتا مەكتەپتى ءبىتىرىپ، اتتەستات الۋ – جازاسىن وتەۋشىلەر ءۇشىن ۇلكەن ءومىر مەكتەبىنىڭ جاۋاپتى كەزەڭى ەكەنىن اتاپ ءوتتى.

ايتا كەتسەك، ءبىلىم الۋشىلار اۋىر قىلمىس جاساپ، تەمىر توردا جۇرگەنمەن، ولاردىڭ اتتەستاتتارىندا بۇل تۋرالى ەشقانداي مالىمەت بولمايدى. ونىڭ ۇستىنە، زاڭعا سايكەس جازاسىن وتەۋشىلەردىڭ ورتا بىلىممەن قاتار، كاسىبي ءبىلىم الۋلارىنا دا مۇمكىندىك بار. جازالى بولسا دا جاقسى كاسىپ يەسى اتانعانداردىڭ ءبىرى – بولاتبەك. ول اتالعان مەكەمەدە 2018 جىلدىڭ ءساۋىر ايىنان باستاپ جازاسىن وتەپ ءجۇر. وسى ۋاقىت ارالىعىندا كاسىبي مەكتەپتە وقىپ، اعاش شەبەرى جانە تەمىر جونۋشى ماماندىعىن يگەرىپ العان. ەركىندىكتە بوس جۇرمەۋى ءۇشىن بۇگىنگى كۇننىڭ سۇرانىسىنا يە كاسىپتەردى يگەرۋگە بەل بۋعان ول بولاشاقتا ارمانىنىڭ جۇزەگە اساتىنىنا سەنىمدى.

ۇقساس جاڭالىقتار

Back to top button