نۇرسۇلتان نازارباەۆ حالىقارالىق اۋەجايى الەمدىك بەدەلدى ماراپاتقا يە بولدى

نۇرسۇلتان نازارباەۆ حالىقارالىق اۋەجايى «World Airport Awards» اتالىمى بويىنشا ورتالىق ازيا مەن تمد-داعى ۇزدىك وڭىرلىك اۋەجاي دەپ تانىلدى دەپ حابارلادى turkystan.kz قازاقستان يندۋستريا جانە ينفراقۇرىلىمدىق دامۋ مينيسترلىگىنىڭ ازاماتتىق اۆياتسيا كوميتەتىنە سىلتەمە جاساپ.

«World Airport Awards» – الەمدىك اۋەجايلار يندۋسترياسىنداعى ەڭ بەدەلدى ماراپات. ۇزدىكتەر داۋىس بەرۋ ناتيجەسىندە جانە ارنايى جۇرگىزىلەتىن جاھاندىق ساۋالناما بويىنشا انىقتالادى.

«ۇزدىكتەردى انىقتاۋ ءۇشىن الەمدەگى 550-دەن استام اۋەجايداعى جولاۋشىلارعا قىزمەت كورسەتۋ ساپاسى مەن ىڭعايلىلىق جان-جاقتى ساراپتالعان. بۇل سىيلىق – جاھاندىق اۋەجاي يندۋسترياسى ءۇشىن ساپا ستاندارتى بولىپ سانالادى»،  – دەدى «نۇرسۇلتان نازارباەۆ حالىقارالىق اۋەجايى» اق باسقارما توراعاسى عابيت ءتاجىمۇراتوۆ.

ساۋالناما 8 اي كولەمىندە جۇرگىزىلىپ، وعان 100-دەن استام ۇلت وكىلىنەن تۇراتىن اۋەجاي كليەنتتەرى قاتىسقان. زەرتتەۋ قورىتىندىسى اۋەجايدىڭ كليەنتتەرگە قىزمەت كورسەتۋ ساپاسى جانە تىركەۋ، ۇشىپ كەلۋ، ترانسفەر، ساتىپ الۋ، قاۋىپسىزدىك، پاسپورتتىق باقىلاۋ سىندى نەگىزگى كورسەتكىشتەر بويىنشا شىعارىلعان.

ۇقساس جاڭالىقتار

Back to top button