ەكىباستۇزدا مۇمكىندىگى شەكتەۋلى بالا ءۇشىنشى قاباتتان قۇلاپ كەتتى

ەكىباستۇزدا مۇمكىندىگى شەكتەۋلى بالا ءۇشىنشى قاباتتان قۇلاپ كەتتى دەپ حابارلادى turkystan.kz Polisia.kz سايتىنا سىلتەمە جاساپ.

13 ماۋسىم ساعات 09.00-دە ەكىباستۇز قالالىق پب كەزەكشى بولىمىنە «103» جەدەل جاردەم ديسپەتچەرىنەن ەنەرگەتيكوۆ كوشەسىندەگى ءۇيدىڭ اۋلاسىندا بالا جاتىر دەگەن تەلەفون حابارلاماسى تۇسكەن.

انىقتالعانداي، 5 جاستاعى جاس بالا اتا-اناسىنىڭ قاراۋىنسىز قالىپ، 3-قاباتتاعى اس ءۇيدىڭ اشىق تۇرعان تەرەزەسىنەن قۇلاپ كەتكەن. ءبۇلدىرشىن تۋعاننان مۇگەدەك ەكەنى بەلگىلى بولدى. قۇلاۋ سالدارىنان بالا ءتۇرلى دەنە جاراقاتتارىن الىپ، ەكىباستۇز قالاسى اۋرۋحاناسىنىڭ جانساقتاۋ بولىمىنە جاتقىزىلدى.

«ابايسىزدا بالانىڭ دەنساۋلىعىنا اۋىر نەمەسە اۋىرلىعى ورتاشا زيان كەلتىرۋگە اكەپ سوققان، جاس بالانىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ جونىندەگى مىندەتتەردى تيىسىنشە ورىنداماعانى ءۇشىن 25 جاستاعى اكەسىنە قاتىستى قازاقستان رەسپۋبليكاسى قك-ءنىڭ 141-بابى بويىنشا سوتقا دەيىنگى تەرگەپ-تەكسەرۋ جۇرگىزىلەدى»، – دەدى ەكىباستۇز قالاسى پوليتسيا باسقارماسىنىڭ باستىعى قايىرجان شاقارعاليەۆ.

ۇقساس جاڭالىقتار

Back to top button