فرانتسيا ەلشىسى ولجاس سۇلەيمەنوۆكە وردەن تابىس ەتتى

بەلگىلى اقىن، جازۋشى جانە قوعام قايراتكەرى ولجاس سۇلەيمەنوۆ وفيتسەر اتاعى – فرانتسيانىڭ قۇرمەتتى لەگيونى وردەنىمەن ماراپاتتالدى دەپ حابارلادى turkystan.kz zakon.kz-كە سىلتەمە جاساپ.

ماراپاتتاۋ ءراسىمى الماتىداعى مادەنيەتتەردى جاقىنداستىرۋ ورتالىعىندا ءوتتى. وردەندى قازاقستانداعى فرانتسيانىڭ توتەنشە جانە وكىلەتتى ەلشى ديدە كانەسس تابىستادى. ول فرانتسيا پرەزيدەنتى ەممانۋەل ماكرون ماراپاتتاۋ تۋرالى جارلىققا 2022 جىلدىڭ 7 ناۋرىزىندا قول قويعانىن ايتتى.

«ءسىزدىڭ ەتكەن ەڭبەگىڭىزدى ءبىر-ەكى اۋىز سوزبەن اتاپ وتۋگە رۇقسات ەتىڭىز. قۇرمەتتى ولجاس اعا، ءسوزسىز ءسىز بۇگىنگى قازاقستاننىڭ مادەنيەت الەمىندەگى كورنەكتى تۇلعاسىز. اتاقتى اقىن ءارى جازۋشى بولا وتىرىپ، سونداي-اق بەيبىتشىلىكتى ساقتاۋدىڭ جانە گۋمانيستىك قۇندىلىقتاردى ناسيحاتتاۋدىڭ، قورشاعان ورتانى قورعاۋدىڭ ادال جاقتاۋشىسى رەتىندە دە تانىمالسىز»، – دەدى ديدە كانەسس.

سونداي-اق ەلشى اقىننىڭ كوپتەگەن شىعارمالارى فرانتسيادا ۇنەمى جاريالانىپ وتىرعانىن جەتكىزدى.

ديدە كانەسس

ولجاس سۇلەيمەنوۆ فرانتسۋز تاراپىنا ريزاشىلىعىن ءبىلدىرىپ، 1993 جىلى قۇرمەتتى لەگيون وردەنىن تاپسىرۋ ءۇشىن فرانتسيانىڭ ەكس-پرەزيدەنتى فرانسۋا ميتتەراننىڭ الماتىعا جارتى ساعات ايالداعانىن اتاپ ءوتتى. بىراق ول وردەننىڭ دارەجەسى بۇگىنگىدەن باسقاشا بولاتىن.

«مەنىڭ دوستارىم ەشقاشان وڭىرىمدە وردەندەر تاعىپ جۇرمەيتىنىمدى وتە جاقسى بىلەدى، وندايدان مەندە ونشاقتىسى بار، بىراق، ارينە، قۇرمەتتى لەگيون وردەنى سياقتى ۇلىق ەمەس»، – دەپ اتاپ ءوتتى ولجاس سۇلەيمەنوۆ.

ايتا كەتسەك، قۇرمەتتى لەگيون وردەنى – فرانتسۋزداردىڭ ۇلتتىق وردەنى، ونى ناپولەون بوناپارت 1802 جىلى 19 مامىردا رىتسارلىق وردەندەردىڭ ۇلگىسى بويىنشا بەكىتكەن. وردەننىڭ يەسى اتانۋ – فرانتسياداعى ەرەكشە ەڭبەكتەرىنىڭ ەسكەرىلۋى، ەڭ جوعارعى بەلگى، قۇرمەت جانە رەسمي مويىندالۋ. وردەن مۇشەلەرىن قابىلداۋدى وردەننىڭ ۇلى ماگيسترى بولىپ تابىلاتىن فرانتسيا رەسپۋبليكاسىنىڭ پرەزيدەنتى جۇزەگە اسىرادى.

ۇقساس جاڭالىقتار

Back to top button