«قۇرت قاپتادى»: پاۆلودار ورمانى زارداپ شەگىپ جاتىر

پاۆلودار وبلىسىندا جاسىل جەلەكتى جىبەك قۇرت باسىپ الدى دەپ حابارلادى turkystan.kz.

جاندىكتەر بۇعان دەيىن ەرتىس، جەلەزين، پاۆلودار اۋداندارىندا انىقتالىپتى.

ەندى باياناۋىل ۇلتتىق پاركىنە جەتتى. پاركتىڭ جاسىباي بولىمشەسىندەگى باسشىسى قۋانبەك مادين زيانكەستەر قايىڭ مەن تەرەكتىڭ جاپىراقتارىن جاپپاي جويىپ جاتقانىن جەتكىزدى.

قازىر جالپى اۋماعى 7 گەكتارداي ورمان القابى زارداپ شەككەن. ال ينسپەكتورلار جىبەك قۇرتتاردى التى كۇن بۇرىن عانا بايقاپتى. سەبەبى اعاش جاپىراقتارى سارعايىپ، تۇسە باستاعان.

بۇل تۋرالى دەرەۋ ورتالىققا حابارلانىپ، ءتيىستى ماماندار دا شاقىرىلىپتى. ولار قۇرتتىڭ ءتۇرىن انىقتاۋ ءۇشىن سىناما العان. زيانكەستەرگە قارسى كۇرەس شارالارى ەندى باستالماق.

باياناۋىل تابيعي ۇلتتىق پاركى ەرەكشە قورعالاتىن اۋماق بولعاندىقتان حيميكاتپەن ۋلاۋعا بولمايدى. كۇرەس تابيعي جولمەن، ياعني قۇستارعا ۇياشىق جاساۋ، قۇمىرىسقالاردى جىبەرۋ ارقىلى جۇرگىزىلەدى.

مامانداردىڭ ايتۋىنشا، جىبەك قۇرتتار قاتتى نوسەر، بۇرشاقپەن دە كەتەدى ەكەن.

ۇقساس جاڭالىقتار

Back to top button