«1 جاسار ءسابي دە بار»: اتىراۋدا 10 ادام ۋلانىپ قالدى 

اتىراۋدا استان ۋلانعاندار سانى 10 ادامعا جەتتى، ونىڭ 9-ى اۋرۋحانادا جاتىر دەپ حابارلادى turkystan.kz qazaqstan.tv سايتىنا سىلتەمە جاساپ.

ۋلانعاندار قالاداعى فاست-فۋد ازىرلەيتىن دۇڭگىرشەكتەن تاۋىق ەتىنەن جاسالعان دونەر جەگەن. ينفەكتسيالىق اۋرۋحاناعا تۇسكەن تۇرعىنداردىڭ اراسىندا 1 جاسار ءسابي دە بار. دارىگەرلەر قازىر ناۋقاستاردىڭ جاعدايى ورتاشا ەكەنىن ايتتى.

بولعان جاعدايعا قاتىستى قالالىق پوليتسيا باسقارماسى تەرگەۋ جۇرگىزىپ جاتىر. قازىر ءتيىستى ساراپتامالار تاعايىندالىپ، كاسىپكەرلىك نىسان ءوز جۇمىسىن ۋاقىتشا توقتاتتى.

«قازىر ون ادامنىڭ توعىزى ينفەكتسيالىق اۋرۋحانادا ەم الىپ جاتىر. جاعدايلارى بىرقالىپتى. ۋلانعانداردىڭ بارىندە دەنە قىزۋىنىڭ تەمپەراتۋراسى 40-قا دەيىن كوتەرىلىپ، ءىش ءوتۋ سيپمتومدارى بولعان»، – دەدى وبلىستىق سانيتارلىق ەپيدەميولوگيالىق دەپارتامەنت باسشىسىنىڭ ورىنباسارى ءاليا بەكەشەۆا. 

ۇقساس جاڭالىقتار

Back to top button