ۇلىتاۋدا «اتامەكەن» ۇلتتىق كاسىپكەرلىك پالاتاسىنىڭ وكىلدىگى اشىلدى

ۇلىتاۋ وبلىسىندا «اتامەكەن» ۇلتتىق كاسىپكەرلەر پالاتاسىنىڭ وكىلدىگى اشىلدى دەپ حابارلادى turkystan.kz.

وڭىردە 14،5 مىڭنان استام شاعىن جانە ورتا بيزنەس سۋبەكتىسى بار. ولاردىڭ 9 مىڭنان استامى – جەكە كاسىپكەرلەر، تاعى 3 مىڭى – فەرمەر شارۋاشىلىقتار.

ۇلىتاۋ وبلىسىنداعى «اتامەكەن» ۇكپ وكىلدىگىنىڭ نەگىزگى مىندەتتەرى: بيزنەستى قورعاۋ، شوب 2.0 باعدارلاماسى شەڭبەرىندە سالالىق ساياساتتى دامىتۋ، سالالىق ساراپتاما، سونىڭ ىشىندە بيزنەس-قاۋىمداستىقتارمەن ساپالى جۇمىس جۇرگىزۋ.

«جاڭا وكىلدىكتىڭ اشىلۋى – ءبىرىنشى كەزەكتە، ەكونوميكالىق تۇرعىدا ماڭىزدى شەشىم. ۇلىتاۋ – ەلىمىزدىڭ تاريحي جانە گەوگرافيالىق ورتالىعى، بۇل ءوڭىر قاشاندا قازاق حالقىنىڭ بەسىگى سانالعان. بۇگىن ءبىز ۇلىتاۋ وبلىسىنىڭ كاسىپكەرلەر پالاتاسىن بىرگە ىسكە قوستىق. وسىلايشا كاسىپكەرلىكتى دامىتۋ مەن قولداۋدىڭ تولىققاندى ينفراقۇرىلىمىن قۇرۋعا جول اشتىق. پالاتا كاسىپكەرلىكتى دامىتۋ ءۇشىن بارىنشا تولىق قىزمەت ۇسىنادى»، دەدى «اتامەكەن» قر ۇكپ تورالقا توراعاسى رايىمبەك باتالوۆ جاڭا كەڭسەنىڭ اشىلۋىندا.

سونداي-اق جاقىندا اباي جانە جەتىسۋ وبلىستارىندا «اتامەكەن» ۇكپ وكىلدىكتەرىن اشۋ جوسپارلانعان.

ۇقساس جاڭالىقتار

Back to top button