قىتايدا سۋ تاسقىنىنان 6 ادام قازا تاپتى

قىتايدا تولاسسىز جاۋعان جاڭبىر سالدارىنان بولعان جاپپاي سۋ تاسقىنى التى ادامنىڭ ءومىرىن قيدى دەپ حابارلادى turkystan.kz.

جەرگىلىكتى باق-تىڭ حابارلاۋىنشا، ەلدىڭ وڭتۇستىك-شىعىسىنداعى فۋتسزيان پروۆينتسياسىندا ءبىر ءۇي قۇلاپ، سالدارىنان ءۇش ادام، قىتايدىڭ گۋانسي-چجۋان اۆتونوميالىق اۋدانىندا كوشكىننىڭ سالدارىنان تاعى ەكى ادام قازا تاپتى.

سونىمەن قاتار قىتايدىڭ سولتۇستىگىندەگى ىشكى موڭعوليا اۆتونوميالىق اۋدانىندا سەل سالدارىنان ءبىر ادام قازا تاپتى. سونداي-اق ءۇش ادامنىڭ تاعدىرى تۋرالى ەشتەڭە بەلگىسىز.

قاتتى سۋ تاسقىنى سالدارىنان ماۋسىم ايىنىڭ باسىنان بەرى 200 مىڭعا دەيىن ادام قاۋىپسىز جەرگە كوشىرىلگەن.

ۇقساس جاڭالىقتار

Back to top button