اتا زاڭعا وزگەرىستەر ەنگىزۋگە ارنالعان رەفەرەندۋم تابىستى ءوتتى – مەملەكەت باسشىسى

مەملەكەت باسشىسىنىڭ توراعالىعىمەن  ۇلىتاۋدا ۇلتتىق قۇرىلتايدىڭ العاشقى وتىرىسى باستالدى. پرەزيدەنت قۇرىلتايدىڭ اشىلۋىمەن قۇتتىقتاپ، 5 ماۋسىمدا وتكەن جالپىۇلتتىق رەفەرەندۋمنىڭ ءساتتى وتۋىنە حالىق بەلسەندى اتسالىسقانىنا ەرەكشە توقتالىپ ءوتتى دەپ حابارلادى turkystan.kz.

«بارشاڭىزعا ۇلتتىق قۇرىلتايدىڭ اشىلۋى قۇتتى بولسىن دەگىم كەلەدى. ءبىز بۇگىن جالپىۇلتتىق رەفەرەندۋمنان كەيىن العاش رەت باس قوسىپ وتىرمىز. اتا زاڭعا وزگەرىستەر ەنگىزۋگە ارنالعان رەفەرەندۋم تابىستى ءوتتى. ازاماتتارىمىز داۋىس بەرۋگە بەلسەنە قاتىستى. وتباسىمەن بىرگە بارىپ، ەل بولاشاعىنا بەي-جاي قارامايتىنىن كورسەتتى. شىنايى وزگەرىسكە جانە جان-جاقتى جاڭعىرۋعا دەگەن ۇمتىلىسىن ءبىلدىردى. كەلەشەگىمىزدىڭ جارقىن بولارىنا ءۇمىتى جانە سەنىمى زور ەكەنىن بايقاتتى. ەلىمىز ەرتەڭگى كۇنگە مىزعىماس بىرلىكپەن قادام باسۋعا دايىن ەكەنىن انىق اڭعارتتى»، – دەدى قاسىم-جومارت توقاەۆ.

ۇقساس جاڭالىقتار

Back to top button