ەلورداداعى ساياباقتا امفيتەاتر اشىلادى

نۇر-سۇلتان قالاسىنىڭ اكىمى التاي كولگىنوۆ ءوزىنىڭ Instagram-داعى پاراقشاسىندا بەيبىتشىلىك جانە كەلىسىم سارايى جانىنداعى ساياباقتا كاسكادتى امفيتەاتر سالىناتىنى تۋرالى ءمالىم ەتتى دەپ حابارلادى turkystan.kz قالا اكىمدىگىنىڭ رەسمي سايتىنا سىلتەمە جاساپ.

«قالانىڭ بارلىق اۋدانىندا، سول سياقتى ەلدى مەكەندەردە قوعامدىق كەڭىستىكتەردى (ساياباقتار، گۇلزارلار، جەلەكجولدار) جانە اۋلا اۋماقتارىن اباتتاندىرۋ بويىنشا جۇمىستار جۇرگىزەمىز.

بيىل تارتىمدى ورىندار قاتارى تىپتەن ارتا تۇسەدى. قالا تۇرعىندارى مەن قوناقتارى تازا اۋادا، بوس ۋاقىتىن دەنساۋلىعىنا پايدالى كۇيدە وتكىزە الاتىن 200-دەن اسا جايلى ورىن بولماق. وسىعان دەيىن 500 اۋلا اۋماعى مەن قوعامدىق كەڭىستىك ابباتتاندىرىلدى، ولاردىڭ ءبارى تارتىمدى ورىنداردىڭ بىرىنە اينالدى. وسىلايشا ەلوردامىز اقىرىنداپ «كولىك جۇرگىزۋشىلەر قالاسىنان» «جاياۋ جۇرگىنشىلەرگە ارنالعان قالاعا» اينالىپ كەلەدى.

كاسكادتى امفيتەاتر قۇرىلىسىنىڭ بارىسىمەن تانىستىم. امفيتەاتر كەلەسى ايدا اشىلادى. ول ەسىل وزەنى مەن بەيبىتشىلىك جانە كەلىسىم سارايىنىڭ (الماتى اۋدانىنداعى ناجىمەدەنوۆ كوشەسى تۇسىندا) اراسىندا ورنالاسقان. وسىلايشا، جانىنداعى ساياباقتى ۇيلەسىمدى تۇردە جالعاي تۇسەدى، بۇل ماڭايدا وسىعان دەيىن كوپىر استى كەڭىستىگى اباتتاندىرىلعان بولاتىن.

امفيتەاتر ءىس-شارالار مەن سپەكتاكلدەر وتكىزۋگە ارنالعان، سول سياقتى جاستاردىڭ تالانتىن اشاتىن ورىنداردى ءارى قالا تۇرعىندارىنىڭ دەمالاتىن اۋماعىن قامتيدى. بۇلدىرشىندەرگە ارناپ جانىنان ويناۋعا ارنالعان الاڭقاي اشامىز. ەلوردامىز مەملەكەت باسشىسىنىڭ تاپسىرماسى بويىنشا «نۇر-سۇلتان – جايلى قالا» ماستەر-جوسپارى اياسىندا دامىپ كەلەدى» دەپ جازدى ەلوردا اكىمى.

 

ۇقساس جاڭالىقتار

Back to top button