جىل باسىنان بەرى قانشا كوپبالالى وتباسى جاردەماقى الدى؟

جىل باسىنان بەرى كوپبالالى وتباسىلارعا بەرىلەتىن مەملەكەتتىك جاردەماقى تولەمدەرىمەن ورتا ەسەپپەن 498،5 مىڭ وتباسى قامتىلدى. ونىڭ ىشىندە مامىر ايىندا 509،1 مىڭ وتباسىنا 28،3 ملرد تەڭگە جاردەماقى تولەندى دەپ حابارلادى turkystan.kz.

ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلاعانداي، بۇل مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى.

«تولەم مولشەرى بالا سانىنا قاراي ەسەپتەلىپ تولەنەدى. كوپبالالى وتباسىلارىنداعى 4 بالاعا – 50 975 تەڭگە، 5 بالاعا – 63 727 تەڭگە، 6 بالاعا –  76 479 تەڭگە، 7 بالاعا – 89 231 تەڭگە، 8 بالاعا – 101 760 تەڭگە، 9 بالاعا – 114 480 تەڭگە، 10 بالاعا – 127 200 تەڭگە، 11 بالاعا – 139 920 تەڭگە، 12 بالاعا – 152 640 تەڭگە، 13 بالاعا – 165 360 تەڭگە، 14 بالاعا – 178 080 تەڭگە، 15 بالاعا – 190 800 تەڭگە، 16 بالاعا – 203 520 تەڭگە نەمەسە ءار بالاعا 12 525 تەڭگە تولەنەدى»، – دەلىنگەن حابارلامادا.

ەسكە سالا كەتسەك، كوپبالالى وتباسىلارعا ولاردىڭ تابىسىن ەسەپكە الماي بەرىلەتىن مەملەكەتتىك جاردەماقى قازاقستاندا 2020 جىلدىڭ 1 قاڭتارىنان باستاپ اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپبالالى وتباسىلاردى قولداۋدىڭ ءۇش نەگىزگى باعىتى اياسىندا ەنگىزىلگەن.

 

ۇقساس جاڭالىقتار

Back to top button