تۇركىستاندا 9-سىنىپ وقۋشىسى انا اتاندى

تۇركىستاندا 9-سىنىپتىڭ وقۋشىسى بوسانىپ، انا اتانعان. بۇل تۋرالى قالالىق پروكۋراتۋرا جانىنداعى ۆەدومستۆوارالىق جيىندا ايتىلدى دەپ حابارلادى  turkystan.kz.

ادامي الەۋەتتى دامىتۋ ءبولىمى باسشىسىنىڭ مالىمەتىنشە، ەرتە جۇكتىلىك بويىنشا ەسەپكە الىنعان وقۋشى قىز قاڭتار ايىندا بالالى بولعان. وسى جاعدايدان سوڭ ول «انالار ۇيىنە» جايعاستىرىلىپتى.

وبلىستىق ءبىلىم باسقارماسى ماماندارىنىڭ دەرەگىنشە، وقۋشىنىڭ ءوزى اتا-انا قامقورلىعىنسىز قالعان. ول وسىعان دەيىن 75 جاستاعى كەيۋانانىڭ پاتروناتتىق قاراۋىندا بولعان ەكەن. وقۋشىنىڭ ايى-كۇنى جاقىنداعانعا دەيىن ساباقتان قول ۇزبەگەنى بەلگىلى بولدى.

«قاڭتار ايىنىڭ 24-ءى كۇنى بوسانىپ، 9-سىنىپ وقۋشىسىندا وسىنداي جاعداي ورىن الدى. مەملەكەتتىك ەمتيحانعا الىپ كەلىپ قاتىستىرۋعا تىرىستىق. نەكراسوۆ اتىنداعى مەكتەپتە ورىن العان وقيعاعا بايلانىستى مەكتەپ ديرەكتورىنىڭ ءماجىلىسى وتكىزىلىپ، وسىعان بايلانىستى قاراماعىنداعى تومەنگى ماماندارعا، تاربيە ءىسى جونىندەگى ورىنباسارلارىنا، پسيحولوگتارعا ەسكەرتۋلەر بەرىلدى»، – دەدى تۇركىستان قالاسى ادامي الەۋەتتى دامىتۋ ءبولىمىنىڭ باسشىسى ورازكۇل قولداسوۆا.

ۇقساس جاڭالىقتار

Back to top button