يت دەپ اسىراپ جۇرگەن ءۇي جانۋارى ايۋ بولىپ شىقتى

قىتاي تۇرعىنى سۋ يۋن كۇشىك ساتىپ العان، الايدا ەكى جىلدان كەيىن ونىڭ يت ەمەس، سيرەك كەزدەسەتىن ازيالىق قارا ايۋ ەكەنى بەلگىلى بولدى دەپ حابارلادى turkystan.kz.

ايەل «ءيتتى» دەمالىستا جۇرگەندە ساتىپ العان، ونى تيبەتتىك ماستيف كۇشىگى دەپ ويلاعان.

وتباسى ءۇي جانۋارىمەن ەكى جىل ءومىر سۇرگەن جانە وسى ۋاقىتتا ايەل ونىڭ «ءبىرتۇرلى» ەكەنىن بايقاعان. ول وتە كوپ تاماق جەي باستاعان. جانۋاردىڭ يەسى «ءيتى» سالماعى ءجۇز كەلىدەن اسقانىن بايقادى.

يۋن ماماندارعا حابارلاسقاندا ولار ايەلگە ءۇي جانۋارىنىڭ يت ەمەس، سيرەك كەزدەسەتىن ازيالىق قارا ايۋ ەكەنىن ايتتى.

جانۋار جابايى تابيعاتتى قورعاۋ ورتالىعىنا جەتكىزىلدى. وندا ونى تابيعي جاعدايدا ءومىر سۇرۋگە ۇيرەتەدى.

باسىلىم ازيالىق قارا ايۋلاردى اۋلاۋ ۇزاق جىلدار بويى جالعاسىپ كەلە جاتقانىن اتاپ ءوتتى. قارا نارىقتا جانۋار بىرنەشە مىڭ دوللار تۇرادى. بۇل ايۋدىڭ ءوتى ءداستۇرلى قىتاي مەديتسيناسىندا ەم رەتىندە قولدانىلادى.

ۇقساس جاڭالىقتار

Back to top button