Сейсенбі, 4 Қазан, 2022

Бүгін Астана автобустарында жол жүру тегін

Бүгін Тәуелсіздіктің 25 жылдығына орай елордалықтар қоғамдық көліктер қызметін ақысыз пайдалануда. Осыған орай Астана автобустарының барлық кондукторларына демалыс берілді. 

Бүгін сағат 11:00-де ЭКСПО аумағында «Тәуелсіздіктің 25 жылдығы» монументі ашылады. Кешкі сағат 17.00-де «Астана Опера» театрында «Тәуелсіздікке шашу» мерекелік концерті өтеді. Сондай-ақ Қазақстан Республикасы Тәуелсіздігінің 25 жылдығына арналған салтанатты концерт «Бәйтерек» монументінің алдында ұйымдастырылады. Концерт Қазақстан эстрадасы жұлдыздарының қатысуымен өтеді. Ал ауқымды мерекелік отшашуды сағат 22:00-де елорданың бірнеше ауданында, атап айтқанда, Есіл өзенінің жағалауында, Пушкин көшесі мен Абылай хан даңғылының қиылысында және «Хан-Шатыр» сауда орталығының сыртында тамашалауға болады. Астанада мереке күндері қоғамдық тәртіпті, жеке және мүліктік қауіпсіздікті сақтауға және жол қауіпсіздігін қамтамасыз етуге 1500-ге жуық ҚР ІІМ Ұлттық ұлан әскері мен полиция қызметкері, 200-ге жуық арнайы машина тартылады. Сондай-ақ, ТЖД жеке құрамынан 4 бөлімше, 204 адам жұмылдырылады.

 

Ұқсас жаңалықтар

Back to top button