«پارا العان»: تاعى ءبىر ديرەكتور كۇدىككە ءىلىندى

سىبايلاس جەمقورلىققا قارسى قىزمەت «قازتەمىرترانس» اق قوستاناي فيليالىنىڭ ديرەكتورىنا «كۇزەتپەن ۇستاۋ» بۇلتارتپاۋ شاراسىن جاريالادى دەپ حابارلادى turkystan.kz.

ول وبلىس كاسىپكەرلەرىنەن جۇك ۆاگوندارىن كەدەرگىسىز جانە جەدەل بەرگەنى ءۇشىن پارا العان دەگەن كۇدىككە ءىلىنىپ وتىر.

كۇدىكتىگە قاتىستى قورىتىندى شەشىمدى سوت قابىلدايدى. قىلمىستىق-پروتسەستىك كودەكسىنىڭ 201-بابىنا سايكەس تەرگەۋ مۇددەسىندەگى وزگە اقپارات جاريا ەتۋگە جاتپايدى.

ەسكە سالساق، 19 مامىردا پرەزيدەنت قاسىم-جومارت توقاەۆ قازاقستان كاسىپكەرلەرىمەن كەزدەسۋ وتكىزگەن بولاتىن. وسى كەزدەسۋدە مەملەكەت باسشىسى بيزنەستىڭ جۇمىسىنا زاڭسىز كەدەرگى جاساۋ ەل مۇددەسىنە قارسى باعىتتالعان قىلمىس رەتىندە قارالۋعا ءتيىس ەكەنىن ايتقان ەدى.

ۇقساس جاڭالىقتار

Back to top button