مادەنيەت سالاسىنداعى باسشى پارا الدى دەگەن كۇدىككە ءىلىندى

پاۆلودار وبلىسىندا مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسىنا قاتىستى تەرگەۋ امالدارى جۇرگىزىلىپ جاتىر دەپ حابارلادى turkystan.kz.

شەنەۋنىك مەملەكەتتىك ساتىپ الۋ تۋرالى شارت جاساسقان جانە ورىندالعان جۇمىستار اكتىسىنە كەدەرگىسىز قول قويعان. ول وسى ءىسى  ءۇشىن كاسىپكەردەن پارا الدى دەگەن كۇدىككە ءىلىنىپ وتىر.

«پاۆلودار وبلىستىق سىبايلاس جەمقورلىققا قارسى قىزمەت «وبلىس اكىمدىگىنىڭ مادەنيەت، تىلدەردى دامىتۋ جانە مۇراعات ءىسى باسقارماسى» مم باسشىسىنا قاتىستى مەملەكەتتىك ساتىپ الۋ تۋرالى شارت جاساعانى جانە اتقارىلعان جۇمىستار اكتىسىنە كەدەرگىسىز قول قويعانى ءۇشىن كاسىپكەردەن پارا الدى دەگەن كۇدىكپەن سوتقا دەيىنگى تەرگەۋدى باستادى» دەلىنگەن انتيكور حابارلاماسىندا.

كۇدىكتىنىڭ كىناسىنە قاتىستى تولىق شەشىم تەرگەۋ ناتيجەسى بويىنشا قابىلدانادى. قوسىمشا اقپارات قىلمىستىق-پروتسەسسۋالدىق كودەكستىڭ 201-بابىنا سايكەس جاريالانعان جوق.

ۇقساس جاڭالىقتار

Back to top button