شالعاي اۋىلدارعا نازار اۋدارىپ كەلەمىز – ازامات ءبىرجانوۆ

«AMANAT» پارتياسىنىڭ ءموبيلدى قوعامدىق قابىلداۋلارى ماڭعىستاۋ جانە باتىس قازاقستان وبلىستارىنا باردى دەپ حابارلادى turkystan.kz.

پارتيا مۇشەلەرى ماڭعىستاۋ وبلىسىنا قاراستى بوستان، وڭدى، تۇششىبەك، جىڭعىلدى، داۋلەت، اتامەكەن جانە جەتىباي سياقتى بارلىعى 7 اۋىلدى ارالاپ شىقتى. سولايشا، قابىلداۋعا ءبىر كۇندە 12 شالعاي ەلدى مەكەننەن 160-تان استام ازامات كەلىپ، تۇيتكىلدى ماسەلەلەرىمەن ءبولىستى.

ماسەلەن، قاراقيا اۋدانىنىنا قاراستى بوستان اۋىلىنىڭ تۇرعىندارى اۋىلداعى جول مەن اۋىز سۋ جايىن ورتاعا سالدى. جەرگىلىكتى ازاماتتاردىڭ ايتۋىنشا، ەلەكتر ماسەلەسى دە ءماز ەمەس.

«بۇگىندە بىزگە ەلەكتر توعىنىڭ السىزدىگى كۇردەلى ماسەلە بولىپ تۇر. اسىرەسە جاز مەزگىلىندە كوپ قيىندىق تۋعىزادى. «ماڭعىستاۋ وڭىرلىك ەلەكتروتوراپتىق كومپانياسى» اق قاراماعىنداعى ۇيلەردە ۆولت كۇشى تومەندەيدى. قوسىمشا ترانسفورماتورلىق قوسالقى ستانسا ورنالاستىرسا جاقسى بولار ەدى»، – دەدى اۋىل تۇرعىنى نۇرلان ساعىندىقوۆ.

شالعاي اۋىلدارعا نازار اۋدارىپ كەلەمىز – ازامات ءبىرجانوۆاۋىل تۇرعىندارىنىڭ ءبىرى رۋسلان شامكەلوۆ ينتەرنەت بايلانىسىنىڭ ساپاسىنا شاعىمداندى.

«ينتەرنەتتى پايدالانۋ قيىندىق تۋعىزادى، ويتكەنى جىلدامدىق ايتارلىقتاي تومەن. قازاقتەلەكومنان بىزگە بايلانىس جەلىسى تىرەكتەرىن ورناتۋىن سۇرايمىز»، – دەدى ول.

ال ماڭعىستاۋ اۋدانىنا قاراستى وڭدى اۋىلىندا ازاماتتار مال مەن اۋىل شارۋاشىلىعىن سۋبسيديالاۋدى سۇراسا، جەرگىلىكتى تۇرعىن تىلەك نۇرتىلەۋوۆ كورشى بەكى اۋىلىندا مەكتەپ جوق ەكەنىن ايتتى. مۇنىڭ بارلىعىن پارتيا مۇشەلەرى ءوز باقىلاۋلارىنا الاتىنىن جەتكىزدى.

وسى كۇنى «AMANAT» ءموبيلدى بريگادالارى باتىس قازاقستان وبلىسىنىڭ شالعاي ەلدى مەكەندەرىنىڭ تۇرعىندارىن دا قابىلدادى. پارتيالىقتار دولينسكوە، جارسۋات، قاراۋىلتوبە، اقبۇلاق جانە ماكاروۆو اۋىلدارىندا بولدى.

ءبورلى اۋدانىنىڭ جارسۋات اۋىلىنداعى تۇرعىندار جەدەل جاردەم كولىگىنە جۇرگىزۋشى قاجەت ەكەنىن العا تارتا وتىرىپ، بالاباقشاداعى ورىن جەتىسپەۋشىلىگىن شەشۋ مەن «پودستەپنوە-ەلەك» حالىقارالىق تاس جولىنان اۋىلعا دەيىنگى 7 شاقىرىم جولعا جوندەۋ جۇمىستارىن جۇرگىزۋ كەرەكتىگىن ايتتى. بۇل اۋىلدا دا ەلەكتر قۋاتى ماسەلەسى اقساپ تۇر ەكەن.

«نەلىكتەن اۋا-رايىنىڭ قۇبىلمالىعىنا تاۋەلدى بولىپ، جەل سىمداردى ءۇزىپ كەتەتىن-كەتپەيتىنىن ءوزىمىز بولجاپ ءبىلۋىمىز كەرەك؟ ءبىز ەلەكتر بەرۋ جەلىلەرى مەن تىرەك باعانالارىن اۋىستىرۋدى كوپتەن بەرى سۇراپ كەلەمىز. ويتكەنى قازىر بارلىعى جارتىلاي ورىندالىپ، جارتىلاي اياقسىز قالادى»، – دەدى اۋىل تۇرعىنى مارات سادىقوۆ.

شالعاي اۋىلدارعا نازار اۋدارىپ كەلەمىز – ازامات ءبىرجانوۆ«AMANAT» پارتياسى رەسپۋبليكالىق قوعامدىق قابىلداۋ بولمەسى مەڭگەرۋشىسىنىڭ ورىنباسارى ازامات ءبىرجانوۆتى ءموبيلدى توپتاردىڭ باستى مىندەتى – تۇرعىنداردىڭ ءتۇيىندى ماسەلەلەردى العا تارتىپ كەلۋىن كۇتۋ ەمەس، ولارعا وزدەرى بارۋ ەكەنىن اتاپ ءوتتى.

«ءبىز ەلىمىزدىڭ 14 ءوڭىرىن قامتىدىق. پارتيانىڭ وبلىستىق نە اۋداندىق فيليالىنا بارا المايتىن شالعاي اۋىلدارعا ەرەكشە نازار اۋداردىق. نەبارى 4 اي ىشىندە ءبىز 578 اۋىلدا 4717 ازاماتتى قابىلدادىق»، – دەدى ازامات ءبىرجانوۆ.

«AMANAT» پارتياسىنىڭ قوعامدىق قابىلداۋ بولمەلەرىنە جىل باسىنان بەرى 65 مىڭنان استام ادام جۇگىنگەن. تۇرعىنداردى نەگىزىنەن الەۋمەتتىك قامسىزداندىرۋدىڭ 30 پايىزى، تۇرعىن ءۇي-كوممۋنالدىق شارۋاشىلىقتىڭ 16 پايىزى، تۇرعىن ۇيمەن قامتاماسىز ەتۋ جانە جەر ۋچاسكەلەرىن ءبولۋدىڭ 11 پايىزى تولعاندىرادى ەكەن.

 

ۇقساس جاڭالىقتار

Back to top button