«سوڭعى 3 جىل ەڭ قيىن كەزەڭ بولدى» – پرەزيدەنت

بۇل تۋرالى مەملەكەت باسشىسى قاسىم-جومارت توقاەۆ «روسسيا-24» تەلەارناسىنا بەرگەن سۇحباتىندا ايتتى دەپ حابارلادى turkystan.kz baq.kz سىلتەمە جاساپ.

پرەزيدەنت باسشى بولعان ساتتەن باستاپ قانداي قيىندىقتارمەن بەتپە-بەت كەلگەنىن اتيتىپ بەردى.

«شىن مانىندە مەن 3 جىل بۇرىن مەملەكەت باسشىسى رەتىندە جۇمىسىما كىرىسكەن ەدىم. وسى 3 جىل مەن ءۇشىن عانا ەمەس، بۇكىل دۇنيە ءجۇزى ءۇشىن قيىن كەزەڭ بولدى. الەمدەگى جاعدايلاردىڭ تۇراقسىزدىعى، COVID-19 پاندەمياسى سەكىلدى سىندارلى كەزەڭدەردى باستان كەشىردىك. قازاقستان ءۇشىن كۇردەلى جىلدار رەتىندە ەستە قالدى. ەلدىڭ وڭتۇستىگىندە اسكەري قويمالار جارىلدى. وڭتۇستىك وڭىردە قاتتى سۋ باستى. ەكونوميكالىق جاعداي دا كوڭىل كونشىتپەدى. كوپتەگەن مەملەكەت سەكىلدى ءبىز دە ءبىراز ەسەڭگىرەپ تۇردىق. اتالعان قيىن ساتتەردەن، تىعىرىقتان ابىرويمەن شىعا بىلدىك دەپ ويلايمىن»، – دەدى توقاەۆ.

سونىمەن قاتار ول اتالعان قيىندىقتاردى ەڭسەرۋدەگى ەڭ باستى كۇشكە توقتالدى.

«ەڭ باستىسى، قازاقستان حالقىنىڭ قولداۋى بولدى. ونسىز، كوپۇلتتى مەملەكەتىمىزدىڭ ءبىر ادامداي جۇمىلىپ، بىرىگۋىنسىز سوڭعى ناتيجەگە قول جەتكىزۋ وتە قيىن بولار ەدى»، – دەپ اتاپ ءوتتى پرەزيدەنت.

ۇقساس جاڭالىقتار

Back to top button