«بارىستىڭ» باس باپكەرى تاعايىندالدى

«بارىستىڭ» باس باپكەرى بولىپ رەسمي تۇردە اندرەي سكابەلكا تاعايىندالدى دەپ حابارلادى turkystan.kz prosports.kz پورتالىنا سىلتەمە جاساپ.

بەلارۋس مامانىمەن كەلىسىمشارت ەكى ماۋسىمعا 2024 جىلدىڭ 30 ساۋىرىنە دەيىن جاسالعان.

باپكەردىڭ سوڭعى جۇمىس ورنى ياروسلاۆلدىك «لوكوموتيۆ» بولدى. اندرەي ءۆلاديميروۆيچتى قازاقستاندىق جانكۇيەرلەر جاقسى بىلەدى. 2018-2019 جىلعى ماۋسىمدا سكابەلكانىڭ قاراماعىندا  بولعان «بارىس» جيناعان ۇپاي سانى بويىنشا ماۋسىم تاريحىنداعى ۇزدىك ناتيجەگە قول جەتكىزگەن.

ەسكە سالساق، ونىڭ جەتەكشىلىگىمەن «بارىس» چەرنىشەۆ ديۆيزيونىن ەكى رەت جەڭىپ، گاگارين كۋبوگىنىڭ شىعىس كونفەرەنتسياسىنىڭ جارتىلاي فينالىنا ەكى رەت شىقتى.

 

ۇقساس جاڭالىقتار

Back to top button