تولقىن زابيروۆا جول اپاتىنا ءتۇستى

ءانشى تولقىن زابيروۆا جول اپاتىنا ۇشىرادى. بۇل جايىندا ول ءوزىنىڭ Instagram پاراقشاسىندا جازدى دەپ حابارلادى turkystan.kz.

«الدىنا كىشكەنتاي بالالارىن وتىرعىزىپ، كولىك جۇرگىزىپ كەلە جاتقان اتا-انالاردى تۇسىنبەيمىن. ودان بولەك، ۇيالى تەلەفونىنا ءۇڭىلىپ، بار نازارى باسقا جاقتا جۇرەتىن جۇرگىزۋشىلەردى دە ءجيى كەزدەستىرەمىز. ولار ءوزىن ويلاماسا دا، اينالاسىنداعى ادامداردى ويلاسا ەكەن دەيسىڭ.

بىرەۋدىڭ الاڭعاسارلىعىنان جول اپاتىنا ۇشىرادىم. ءبىر مەزگىل ەسىمنەن تانىپ، بولعان جاعدايدى تۇسىنبەي قالدىم. تەلەفونعا تەلمىرگەن جاس بالا تەجەگىشتى باسۋدى ۇمىتىپ، ءبىزدىڭ كولىككە كەلىپ سوعىلدى. دەنساۋلىعىما زاقىم كەلدى، ءبىرتالاي كونتسەرتتەن شەت قالدىم.

ەندى مەن ونى «جاس بالا عوي» دەپ كەشىرە سالۋىم كەرەك پە، جوق الدە ساباق بولسىن دەپ جازالاعانىم دۇرىس پا؟!

اللا بەرگەن ءومىردى ءۇزىپ جىبەرۋگە ەشكىمنىڭ قاقىسى جوق! سونى ۇمىتپاۋ كەرەك! ءبىز اسىققانمەن، اللا اسىقپايدى! ارينە، بۇعان ەشقانداي زاڭ شىعارا المايسىڭ. ول زاڭ ءار ادامنىڭ ساناسىندا بولۋى كەرەك! ءبىر-بىرىمىزگە جاناشىر، مەيىرىمدى، جاۋاپتى بولايىق. اماندىققا نە جەتسىن، اعايىن! ءومىر ءسۇرۋ قانداي تاماشا!» – دەپ جازدى تولقىن زابيروۆا.

 

پوسموترەت ەتۋ پۋبليكاتسيۋ ۆ Instagram

 

پۋبليكاتسيا وت Tolkyn Zabirova (@tolkynzabirova)

ۇقساس جاڭالىقتار

Back to top button