سەمەيدە كوپقاباتتى ءۇي ورتەندى

سەمەيدە كوپقاباتتى ۇيدەن ءورت شىعىپ، 50 ادام ەۆاكۋاتسيالاندى دەپ حابارلادى turkystan.kz.

شقو تجد ءباسپاسوز قىزمەتىنىڭ مالىمەتىنشە، سەمەي قالاسىنىڭ فيزكۋلتۋرا كوشەسىندەگى توعىز قاباتتى تۇرعىن ۇيدەن ءورت شىققان.

تجد قىزمەتكەرلەرى قاۋىپتى ايماقتان 50 ادامدى، ونىڭ ىشىندە 16 بالانى ەۆاكۋاتسيالادى.

«وقيعا ورنىنا جەدەل كەلىپ، 6-قاباتقا دەيىن اۆتوساتىنى اشىپ، ءورت سوندىرۋشىلەر 2006 جانە 2008 جىلى تۋعان ەكى بالانى قاتتى تۇتىندەلگەن تۇرعىن ءۇي-جايدان قۇتقاردى. ۋلانۋ بەلگىلەرى بولعاندىقتان، ولاردى مەديتسينالىق مەكەمەگە جەتكىزىلدى. تاعى 34 تۇرعىن، ونىڭ 14-ءى – بالالار ءورت سوندىرۋشىلەرمەن باسپالداق مارشى ارقىلى قۇتقارىلدى. 1980 جىلى تۋعان، بالالارىنا كومەكتەسۋگە تىرىسقان پاتەر يەسى كۇيىك الىپ، اۋرۋحاناعا جاتقىزىلدى. سونداي-اق ءورت ءسوندىرۋ قىزمەتىنىڭ قىزمەتكەرلەرى قاۋىپتى ايماقتان 50 ادامدى، ونىڭ ىشىندە 16 بالانى ەۆاكۋاتسيالادى»، – دەلىنگەن حابارلامادا.

ءورتتى سوندىرۋگە جەكە قۇرامنان 40 ادام جانە 10 بىرلىك تەحنيكا جۇمىلدىرىلدى.

ۇقساس جاڭالىقتار

Back to top button