«58 ملرد تەڭگە يگەرىلمەي قالعان» – قارجى ءمينيسترى

جىل باسىنان بەرى جالپى بيۋدجەتتىڭ 65 ملرد تەڭگەسى اتقارىلماي قالعان. بۇل تۋرالى قارجى ءمينيسترى ەرۇلان جاماۋباەۆ ايتتى دەپ حابارلادى turkystan.kz.

بۇگىنگى ۇكىمەتتىڭ وتىرىسىندا:

«جىل باسىنان بەرى مەملەكەتتىك بيۋدجەتتىڭ شىعىستارى 98،5 پايىزعا، رەسپۋبليكالىق بيۋدجەتتىڭ شىعىستارى – 99،1 پايىزعا، جەرگىلىكتى بيۋدجەتتەردىڭ شىعىستارى 98،3 پايىزعا اتقارىلدى. رەسپۋبليكالىق بيۋدجەت بويىنشا 6،9 ترلن تەڭگە سوماسىنا شىعىستار جۇرگىزىلدى. سونىمەن بىرگە، بيۋدجەتتىڭ 65 ملرد تەڭگەسى اتقارىلماعان، ونىڭ ىشىندە 7 ملرد تەڭگە – ۇنەمدەلگەن، ال 58 ملرد تەڭگە يگەرىلمەي قالعان»، – دەدى مينيستر. 

ناقتى يگەرىلمەي قالعان سومالار توتەنشە جاعدايلار، ىشكى ىستەر، دەنساۋلىق ساقتاۋ، ەكولوگيا، گەولوگيا جانە تابيعي رەسۋرستار مينيسترلىكتەرىندە بايقالدى. ونىڭ نەگىزگى سەبەپتەرى: كونكۋرستىق راسىمدەر مەن شارتتار جاساسۋ راسىمدەرىنىڭ ۇزاق جۇرگىزىلۋى، ورىندالعان جۇمىستار اكتىلەرىن، شوت-فاكتۋرالاردى ۋاقتىلى ۇسىنباۋ، تولەۋگە بەرىلەتىن شوتتاردىڭ كەش ۇسىنىلۋى.

 «بيىل وڭىرلەرگە 3،3 ترلن تەڭگە سوماسىندا نىسانالى ترانسفەرتتەر كوزدەلگەن. ولارعا 1 ماۋسىمعا 933 ملرد تەڭگە بولىنگەن. ونىڭ 98،2%-ءى يگەرىلگەن. 17 ملرد تەڭگە اتقارىلماي قالدى، ونىڭ ىشىندە 4 ملرد تەڭگە ۇنەمدەلسە، 13 ملرد تەڭگەسى يگەرىلمەگەن»، – دەدى ە. جاماۋباەۆ. 

ەڭ كوپ يگەرىلمەگەن سوما نۇر-سۇلتان قالاسىندا، ماڭعىستاۋ، الماتى جانە قىزىلوردا وبلىستارىندا بايقالادى.

بۇعان دەيىن قارجى ءمينيسترى مەملەكەتتىك بيۋدجەتكە 6 ترلن 554 ملرد تەڭگە كىرىس تۇسكەنىن، بيۋدجەت كىرىستەرى جوسپاردان 41 ملرد تەڭگەگە اسىرا ورىندالعانىن ايتقان ەدى.

 

 

ۇقساس جاڭالىقتار

Back to top button